• USD 468.56

  • EUR 497.56

  • RUB 7.3

  • CNY 67.18

29 Naýryz, 19:38:06
Almaty
+35°

05 Maýsym, 2019

Qostanaı Reseıdiń zymyran qaldyqtary túsetin aımaqqa aınalady

Jańa trassa kosmodromnyń soltústik bóliginde jaıǵasqan. Oǵan sáıkes, zymyran qaldyqtary Qostanaı oblysyna túsedi.

Reseı úkimeti Baıqońyr ǵarysh aılaǵynan “Soıýz-2” zymyran tasyǵysh qaldyqtary túsetin jer boıynsha Qazaqstanmen jańa kelisim jobasyn maquldady dep jazady Qamshy.kz aqparat agenttigi centralasian.org saıtynyń deregin negizge alyp.

Jańa trassa kosmodromnyń soltústik bóliginde jaıǵasqan. Oǵan sáıkes, zymyran qaldyqtary Qostanaı oblysyna túsedi. Bul aımaq Reseı men Qazaqstan arasyndaǵy kelisimde kórsetilmegen. 

Maquldanǵan mátin quqyqtyq aqparattar saıtynda jarııalandy. Kelisim bes jylǵa túzilgen.

Qujatqa sáıkes, "Soıýz-2" zymyrandary Baıqońyrdan 1 sáýir men 30 maýsymnan basqa ýaqytta jyl saıyn ushyrylady.

Kelisim sonymen birge Roskosmos pen jalǵa alýshy "Báıterek" reseı-qazaq birlesken kásipornyna tazalaý jumystaryn júrgizer kezde jergilikti bılikke aldyn ala eskertýdi mindetteıdi. Munan bólek Reseı tarapyna zymyran qaldyqtary túskennen keıin ýlanǵan aýmaqty tazalaý júktelgen.

Reseı jańa aýmaqty jalǵa alǵany úshin Qazaqstanǵa jyl saıyn 460 myń dollar tóleıdi. Eger ushyrylǵan zymyran sany kelisimnen kóp bolsa, onda qosymsha árbir zymyran ushyrǵany úshin 50 myń dollar tóleıdi.

Reseıdiń Qazaqstanmen "Soıýz-2" zymyran qaldyqtaryn qulaıtyn jańa jerdi jalǵa alý úshin kelisim júrgizip jatqany 2018 jyldyń basynda belgili bolǵan.

Ekologtardyń aıtýynsha, Qazaqstan bıligi zymyran qaldyqtaryna Qostanaı oblysynyń Jangeldi aýdanyn bergen. Bul aýdannyń mańynda "Altyn dala" tabıǵı qoryǵy ornalasqan. Halyq bul jerge zymyran túsetin bolsa, kıik qyrylyp qalady dep dabyl qaǵady.

Qazaqstan bıligi bolsa zymyrannyń qulaýy kıikterge zııan keltirmeıdi dep esepteıdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir