• USD 378.65
  • EUR 430.07
  • RUB 6
  • CNY 55.1
21 Tamyz, 23:12:06
Senim údesinen shyqqan bank

04 Maýsym, 2019 NEWS

Avto sherýge shyqqan "bolashaq ofıserler" jazalanbaıdy, al mektep basshysy... (vıdeo)

Baýyrjan Momyshuly atyndaǵy respýblıkalyq áskerı mektebiniń dırektory jelide atalǵan mektep túlekterniń qymbat kólikterden quralǵan avto sherýiniń vıdeosy paıda bolǵannan keıin jumysynan bosatyldy.

Almatydaǵy Baýyrjan Momyshuly atyndaǵy respýblıkalyq áskerı mektebiniń dırektory jelide atalǵan mektep túlekterniń qymbat kólikterden quralǵan avto sherýiniń vıdeosy paıda bolǵannan keıin jumysynan bosatyldy. Bul týraly Qorǵanys mınıstrligi Tengrinews.kz saıtynyń tilshilerine resmı málimdegen dep jazady Qamshy.kz aqparat agenttigi. 

Jelige júktelgen atalmysh vıdeoda  "Jas Ulan" mektebiniń túlekteri sheteldiń qymbat kólikterimen avto sherý uıymdastyrǵan. Áskerı kıim kıgen túlekter 20-dan asa avtokólikke minip, qoldaryndaǵy smartfonmen kólik terezesinen shyǵyp óz-ózderin túsirgen. Vıdeodaǵy bul kórinis jeli qoldanýshylarnyń yzasyn týdyryp, olar bolashaq ofıserlerge túrli synı pikirler jazǵan.

Qorǵanys mınıstrliginiń kadrlar jáne áskerı daıyndyq departamentiniń bastyǵy Qaırat Kópbaevtyń aıtýynsha, bul vıdeoǵa qatysty tergeý júrgizildi.

«Sóz joq, bul vıdeo tek qoǵamda ǵana emes, bizdiń, ıaǵnı, áskerı adamdardyń arasynda da teris kózqaras týǵyzdy. Bul dál osyndaı bedeldi mektepti bitirgen túlekterdiń bul jeńil oıly is-árketeri kútpegen jaǵdaı. Biz bundaı jaǵdaı úshin úlken ókinish bildiremiz. Qymbat sheteldik kólikter ata-analardyń bastamalarymen  jalǵa alǵanyn  atap ótý kerek. Olardyń mundaı bastamalaryna mekteptiń qatysy joq. Qoǵamda bul jaǵdaıǵa baılanysty teris pikir týǵany túsinikti. "Jas Ulan" mektebi bolashaq ofıserlerdi joǵary patrıotızm rýhynda tárbıeleıdi, munda áskerı is-áreketti tereńdete, zerdeleı otyryp oqytylady, sondyqtan bul jerde temirdeı tártip bolǵany qajet. Bular bolashaq ofıserler, sondyqtan áskerı ómirde mundaı áreketterge jol berilmeıdi", - dep túsindirdi Kópbaev.

"Bul jaǵdaıdy oqý ornynda tártiptiń álsireýi jáne jalpy basqarý jaǵdaıyndaǵy  bilim berý jumysynyń nasharlyǵynyń nátıjesi deýge bolady. Sol sebepti búgingi kúni áskerı mekteptiń bastyǵy podpolkovnık Jabaǵın jáne onyń eki orynbasary óz laýazymynan bosatyldy", - dedi ol.

Kópbaev sondaı-aq, qymbat avtokólikterdiń júrgizýshileriniń áreketteri ákimshilik quqyq buzýshylyqqa jatatynan atap ótti. Qazirgi ýaqytta olardyń jaýapkershiligi týraly másele sheshilýde. Al túlekterge eshqandaı jaza qoldanylmaıdy. Olarǵa tek profılaktıkalyq jumystar júrgizilgen.

Túlekterdiń biriniń anasynyń aıtýynsha, ata-analar balalaryna tosyn syı jasamaq bolǵan, biraq qymbat avtokólikterden quralǵan avto sherý qoǵamda osynshalyqty rezonans týǵyzady dep oılamaǵan Qymbat avtokólikterdiń jalǵa alynǵanynan túlekter de, oqytýshy-ofıserler de beıhabar bolypty.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir