• USD 378.65
  • EUR 430.07
  • RUB 6
  • CNY 55.1
21 Tamyz, 18:42:58
Senim údesinen shyqqan bank

04 Maýsym, 2019 NEWS

"Rahat" fabrıkasy sý energııasyna kóshedi

5 maýsym kúni Qazaqstanda Dúnıejúzilik qorshaǵan ortany qorǵaý kúni atalyp ótedi.

Ekolog mamandardyń derekterine súıensek, aýadaǵy zııandy qospalardyń ruqsat etilgen sheginen asýy boıynsha Almaty qalasy birinshi orynda tur. «Rahat» kondıterlik ónimder fabrıkasynyń Basqarma tóraǵasy Fedores Konstantın bul jaǵdaıdy ózgertýge bolady dep esepteıdi dep jazady Qamshy.kz aqparat agenttigi. 

2019 jyldyń qańtar aıynan bastap «Rahat» kompanııasy Talǵar gıdroelektrstansııasynan elektr energııasyn satyp alý týraly kelisim-shart jasasyp, qazirgi ýaqytta GES sý energııasyn tutynyp otyrǵan eń iri kompanııalardyń birine aınaldy. Bıylǵy jyldyń tórt aıy ishinde fabrıka 2 257 501 Kvt elektr energııasyn satyp alyp, kásiporyn fabrıkasynyń ishinara EQJK kóshýin qamtamasyz etti.

Rahat fabrıkasy

«Kompanııa úshin qorshaǵan ortanyń tazalyǵyn saqtaý jáne ekologııanyń jaqsarýyna úles qosý óte mańyzdy. Degenmen, kásiporyn ónerkásip obektisi bolǵandyqtan, qorshaǵan ortaǵa las zattardy shyǵarýǵa májbúr. Osy jaýapkershiligimizdi bile tura, biz óz tarapymyzdan birqatar aldyn alý sharalaryn ótkizemiz, sonyń biri - Talǵar GES-ymen seriktes boldyq. Biz energııanyń qaıta jańǵyrtylatyn kózderin tutynýǵa tehnıkalyq turǵydan kóshý úshin 30 mıllıon teńgeden astam qarajat jumsadyq jáne budan keıin de jasyl energetıkaǵa quıylatyn ınvestısııalar kólemin ulǵaıta bermekpiz», - dedi «Rahat-Lotte» AQ basqarma tóraǵasy Konstantın Fedores.

Oǵan qosa, fabrıka osymen birneshe jyl qatarynan óz aýmaǵyndaǵy qaldyqtardy bólip jınap keledi. Bul qaldyqtardy ózge uıymdar qaıta óńdeýge alyp ketedi. Al kompanııa qyzmetkerlerinen qurylǵan eriktiler uıymy jyl saıyn Almaty qalasynda kóshetter egýmen aınalysady. «Rahat» kompanııasynyń shtatyndaǵy ekologtar qyzmeti atmosferalyq aýaǵa zııandy zattardy shyǵarý normatıvterin ustanýdy qatań qadaǵalap otyrady.

EQJK júıeli kóshý jáne tabıǵattyń ekologııalyq bútindiligin saqtap qalý boıynsha ózge sharalar kompanııanyń basty aksıoneri Lotte Confectionery kompanııasynyń da saıasatynyń bir bóligi bolyp tabylady. Koreıalyq konglomerat jergilikti kompanııalarmen birlese otyryp, dúnıe júzinde atmosferaǵa SO2 shyǵarýdy azaıtý jáne óndiristik alańdarda energııa tutynýdy únemdeý boıynsha sharalar ótkizedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir