• USD 378.65
  • EUR 430.07
  • RUB 6
  • CNY 55.1
21 Tamyz, 18:24:26
Bala quqyqtaryn qorǵaý - aldyńǵy orynda

04 Maýsym, 2019 Barlyq aımaqtar

Qazaqstandaǵy Iegova kýágerleri: qoǵamnyń bóligi bolý quqyǵy

Polat Bekjan áıeli ekeýi Iegova kýágerligine ótkenine 34 jyl boldy.

Qazaqstandaǵy Iegova kýágerleri ashyq, kez kelgen aqparatpen bólisýge árkez daıar. Olardyń qyzmetine elde tyıym salynbaǵan, alaıda qoǵamda kýágerlerdiń dinı nanymyn jete túsine bermeıtindikten, oǵan tosqaýyl qoıý talpynystary bolyp turady dep jazady Qamshy.kz aqparat agenttigi  CABAR.asia portalynyń deregin negizge alyp. 

Juma, tańerteńgi saǵat 10:00. Almatynyń eleýsiz bóliginde ornalasqan Patshalyqtar Zalynda ıne shanshar jer joq. Ashyq esik kúninde qonaqtardy saksofon áýeni, fýrshet ústelimen qarsy alyp jatyr. Kýágerlermen sóılesken kezde eń aldymen kózge túsetini – olardyń aqjarqyndyǵy. О́zara negizinen «sen» dep aralasady, bir-birin baýyr dep tanıdy.

Iegova

Ár kelýshiniń janynda eki volonter nemese ózderi aıtqandaı «erikti» bar. Suraǵanyń týraly eki tilde, óte tııanaqty jáne janyn salyp aıtyp beredi.

Men ádebıetter qoıylǵan stend qasyna jaqyn turdym, janyma bir boıjetken kelip, qolyma qazaqsha Injildi, Kýágerlerdiń nekege qatynasy týraly kitapshany jáne turmysqa shyǵa almaı júrgender ne isteýi kerek degen týraly taǵy bir kitapshany ustata qoıdy. Keıinirek «qyzdar arasyndaǵy taqyryptarda» sóıleskim kelse, habarlasýyma bolady" dep, nómirin jazyp alýyn ótindi.

Astana

Polat Bekjan áıeli ekeýi Iegova kýágerligine ótkenine 34 jyl boldy.

– Kýágerler qataryna qosylǵanymyzǵa kóp boldy, sonaý 1985 jyldan beri. Áıelim ol kezde perzenthanada isteıtin, kýágerlerdiń birqatarymen sol jerden tanysty. Ol kez uıymǵa tyıym salynǵan ýaqyt edi.

Bir kúni olar jumysta Iegova Kýágerleri týraly kitabyn tastap ketipti, áıelim ony úıge alyp keldi. Ekeýmiz ony oqyp shyǵyp, júregimizde uıalaǵan, burynnan mazalaǵan suraqtarymyzǵa jaýaptardy taptyq. Isa bizdiń kúnálarymyz úshin, bar adamzattyń kúnálary úshin ólgenin bildik.

Uıymǵa kirgen soń biz qatty ózgerdik. Men ishýdi, temeki tartýdy, áıelimmen janjaldasýdy qoıdym, ony burynǵydan da qatty súıdim. Kıeli kitap bizdi soǵan úıretti. Onda barlyq nárse bar.

Alty balamyz, 12 nemeremiz bar – olardyń barlyǵy kýágerler. Iegova Kýágerleri meniń ómirimdi jaqsarta tústi dep oılaımyn. Qazaqstanda dinı bostandyq bolǵanyna rızamyz.

Iegova Kýágerleriniń ókilderi prozelıtızmmen aınalyspaımyz dep erekshe atap ótedi, ıaǵnı ashyq túrde dinine kirýge ýaǵyzdamaıdy.

Lev Gladyshev, Qazaqstandaǵy aımaqtyq Iegova Kýágerleri Hrıstıan Ortalyǵy dinı birlestiginiń resmı ókili:

– Barlyǵymyz adambyz, tildeskimiz keledi. Eger men tildesýge degen quqyǵymdy júzege asyrmaq nıetpen, sizge Injilden oqyǵanymdy aıta bastaımyn, al sizge ol qyzyq bolsa, siz menen tolyǵyraq áńgimeleýimdi ótinesiz. Bul jerde eshqandaı zań buzylyp turǵan joq.

Bizdiń uıymǵa jaı ánsheıin kelip, birden kire qalý da múmkin emes. Ol úshin siz ómirińizdi ózgertýdiń birqatar alǵysharttaryn oryndaýyńyz kerek. Aıtalyq, jaman ádetterden bas tartý kerek, jubyńyzdyń kózine shóp salýǵa, temeki tartýǵa, ishýge bolmaıdy.

Kýágerler sonymen birge memleket saıasatyna qatyspaıdy jáne tolyq neıtralıtet ustanady. Iegova kýágerleri memlekettik gımn oryndamaıdy, baıraqqa nemese gerbke qurmet kórsetpeıdi. Olar úshin saıası partııalarǵa múshelik pen saılaýǵa qatysýǵa bolmaıdy. Degenmen, bılikti qurmetteý men zańǵa baǵyný taqyrybyna Kýágerler ýaǵyzdarynyń birazy baǵyshtalady, biraq memleket rámizderine syn keltirýi múmkin kez kelgen áreketten bas tartady. Sondaı–aq, olardyń áskerde qyzmet etýine bolmaıdy, tipti ol úshin qylmystyq qýdalaý men túrmege qamalatyn bolsa da.

Sonymen qatar, Iegova kýágerleri qan quıýdan jáne ony tamaqqa paıdalanýdan bas tartady, alaıda, baspasóz qyzmetiniń ókili Vladıslav Dıgolıannyń aıtýynsha, egýden bas tartpaıdy:

«Iegova kýágerlerine eshqashan vaksınasııaǵa tyıym salynbaǵan. Ondaı tyıym salmaımyz da. Bul ár adamnyń jeke sharýasy. Iаǵnı uıym azamattardyń jeke, derbes ómirine aralaspaıdy, adamdar óz betinshe sheshim qabyldaıdy».

Vladıslavtyń óziniń áke–sheshesi men ata–ájesi kýágerler, Injildi kishkentaıynan ata–anasymen oqyp ósse de, uıymǵa kirý týraly sheshimdi sanaly túrde ózi qabyldaǵan:

– Ata–anań kýágerlerdiń qatarynan bolsa, olardyń qandaı da bir qundylyqtar júıesin qalyptastyratyny túsinikti, onyń ishinde dinı qundylyqtardy sińdiredi. Bizde sábıler men balalardy shoqyndyrý joq, ár adam eseıip, bul týraly sheshimdi ózderi qabyldaýy kerek.

Uıymymyzdyń óte baıaý ósip kele jatqandyǵynyń sebebi de osy: qudaıǵa syıyný úshin munda kez kelgen adam kele alady, biraq olardyń ishinde ómirin talaptarymyzǵa saı qylyp, qatarymyzǵa tolyq qosylýǵa daıyndary azǵantaı ǵana.

Bizde saıası ambısııa joq, bizdiń maqsat – qudaıǵa qulshylyq etý, tynysh ómir súrý jáne qaýipsizdikte bolý. Iegova kýágerleri qoldaryna eshqashan qarý ustamaıdy – tap osy sebepten biz qýdalaýǵa ushyraımyz. Ásirese HH ǵasyrda kýágerlerdiń kóbi Germanııadaǵy, Keńes odaǵyndaǵy ólim lagerlerinde kóz jumdy

Aıtpaqshy, sol ólim lagerleri arqyly kýágerler 1940–jyldary Qazaqstanǵa kelgen edi. Al Iegova Kýágerleriniń Qazaqstandaǵy tarıhy 1892 jyldan bastaý alady, sol jyly Ýst–Býhtarma mekenine Sımeon Kozlıskıı jer aýdarylǵan edi, ol Injil zertteýshisi bolǵan – Iegova Kýágerlerin ol ýaqytta solaı ataıtyn. Bul adamdar qoǵamnyń bóligi bolý, memleketke, basqa adamdarǵa zııanyn tıgizbeı, ózderi durys sanaıtyn joldy ustanyp, ómir súrý quqyǵyna qanyn, terin tógip, lagerlerde jyldar ótkizip ıe boldy.

Basqa álem

Iegova kýágerleriniń Almatydaǵy ortalyǵy 2005 jyly salynǵan. Ǵımarattardyń jalpy aýmaǵy 5 myń sharshy metrdi qurap, 7 gektar jerdi alyp jatyr.

Ortalyqtyń aýmaǵyna kirseń, basqa álemge engendeı áserge túsesiń: kúsheıtilgen kúzet, kameralar. Ortalyqtaǵylar muny kelýshilerdiń tynyshtyǵyn qurmetteý maqsatynda jasalǵan qaýipsizdik sharalary dep túsindirdi.

Keshen tórt negizgi ǵımarattan turady, olardyń ishine ózara aralyqtarmen baılanysqan keńse, ashana, as úı, turǵyn jaı, kir jýatyn bólme, ádebıetter qoımasy, sheberhanalar kiredi. Turǵyn jaıda 39 bólme bar, onda Ortalyqta isteıtin eriktiler turyp jatyr. Qazir olardyń sany -76 adam.

Olardyń barlyǵy ádebıetterdi jóneltý, tehnıkalyq qyzmet kórsetý, jabdyqtaý, qyzmettik, zań, aýdarma, ákimshilik, kompıýterlik, esep, syrqattar týraly aqparat bólimderinde, sonymen qatar Patshalyqtar zaldaryn salý bóliminde isteıdi.

Lev Gladyshevtiń aıtýynsha, keshen tutastaı sadaqa esebinen jumys istep tur:

«Iegova Kýágerleri – dúnıejúzilik uıym, onyń qatarynda álem boıynsha 8 mıllıon múshe bar. Kýáger bolý degenimiz belsendi ómirlik pozısııa ustaný, sol sebepti olar jıi kelip turatyn jerin qamqorlyǵyna alady. Olar, mysaly, biz oqıtyn ádebıet bolsyn dep sadaqa beredi. Bizde desıatına nemese qandaı da bir mindetti jarna degen túsinik joq, aqsha jınaýmen aınalyspaımyz. Jasalatyn sadaqanyń barlyǵy erikti jáne qupııa túrde jasalady».

Iegova Kýágerleriniń saıty 975 tilge aýdarylǵan. Al ádebıetteri 750–den astam tilde jarııalanyp, 240–den astam elde taratylady.

Keshen aýmaǵyndaǵy tazalyq ta kelýshilerdiń moınynda.

Dınara Qurmanova bul uıymǵa 15 jasynda keldi, biraq resmı túrde kýágerler qataryna 18 jasynan qosyldy:

– Anam meni Kýágerlermen 1997 jyly tanystyrǵan bolatyn. Ákem de tanysty, biraq múshe bolyp qosylmasa da, bizdi qatty qoldaıdy. Sodan beri mine 20 jyldan astam ýaqyt ótipti.

Men injildik qaǵıdalarmen ómir súrýge tyrysamyn, denimniń saýlyǵyna muqııat qaraımyn. Sonymen qatar, sońǵy birneshe jylda men osy hrıstıandyq ortalyqta erikti retinde kómektesip kelemin. Tegim qazaq, munda únemi qazaqsha kezdesýler bolyp turady, ádebıetter qazaqshaǵa aýdarylady.

Aınalamdaǵylar dinime qalypty qaraıdy, biraq áleýmettik jelilerde dinı ustanymymdy kórsetpeımin.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir