• USD 468.56

  • EUR 497.56

  • RUB 7.3

  • CNY 67.18

28 Naýryz, 23:03:56
Almaty
+35°

04 Maýsym, 2019 NEWS

Almaty oblysynda bútin bir aýyldy sý basty (vıdeo)

Seldiń vıdeosy áleýmettik jelide tarady. Rolıkten qatty jaýynnan aýyl kóshelerin sý basqanyn kórýge bolady.

Nóser jańbyr saldarynan Almaty oblysyndaǵy Pıdjım aýylyn sel basty, tótenshe jaǵdaıdan eshkim zardap shekpegen, oqıǵa ornynda jedel shtab quryldy dep habarlaıdy Qamshy.kz aqparat agenttigi Sputnik Qazaqstan saıtyna silteme bere otyryp.

 
Seldiń vıdeosy áleýmettik jelide tarady. Rolıkten qatty jaýynnan aýyl kóshelerin sý basqanyn kórýge bolady. Bul kólikterdiń júrýin qıyndatqan.
"Pıdjımdi sý basyp ketti. Myna jerden kólikter óte almaı jatyr", - deıdi vıdeoda er adam.
Oqıǵa ornyna polıseıler men tótenshe jaǵdaılar departamentiniń qyzmetkerleri shuǵyl jetken.
 
 
Oblystyq TJD málimetine sáıkes, 3 maýsym kúni keshke aýa temperatýrasynyń kóterilýi men nóser jańbyr jaýýy saldarynan taýly aımaqtaǵy aǵyndy sý aýyldy basqan.
 

"Sý deıgeıiniń kóterilýinen Pıdjım aýlyndaǵy birneshe kóshe men aýlany sý basty. Apat saldaryn joıýǵa jergilikti atqarýshy organnyń, Almaty oblystyq TJD, "Qazseldenqorǵaý" memlekettik mekemesi, áskerı qyzmetkerler, Panfılov aýdanynyń polıseılerinen quralǵan 100-den astam maman men 20 birlik tehnıka jumyldyryldy. Oqıǵa baqylaýda", - deıdi oblystyq tótenshe jaǵdaılar departamentiniń qyzmetkerleri.

 
Tótenshe jaǵdaıdan qaza tapqandar men zardap shekkender joq.
Sondaı-aq vedomstvo qyzmetkeleri túngi saǵat 23:30-da aǵyn sý toqtaǵanyn aıtady. Oqıǵa ornynda jedel shtab qurylyp, jumys isteýde.
 

Almaty oblysynyń TJD qyzmetkerleri 31 mamyr kúni nóser jaýyn saldarynan óńirde sel júrý qaýpi bar ekenin turǵyndarǵa SMS arqyly eskertkenin aıtady.

Usynǵan: Bek Baıtas

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir