• USD 378.65
  • EUR 430.07
  • RUB 6
  • CNY 55.1
26 Tamyz, 16:06:47
Nyǵmatýlın Parlamenttiń qos palatasyn birlesken otyrysqa shaqyrdy

04 Maýsym, 2019 Barlyq aımaqtar

Aqsý ákiminiń Instagram paraqshasyn áskerı qyzmetshi qoldanǵan

Áskerı qyzmetshi oqyrmandardy kóp jınaý úshin áleýmettik jelide Aqsý qalasy ákiminiń atyn ıelenip, paraqsha ashqan

Áskerı qyzmetshi oqyrmandardy kóp jınaý úshin áleýmettik jelide Aqsý qalasy ákiminiń atynan otyrǵan, dep habarlaıdy Qamshy.kz aqparat agenttigi pavlodarnews.kz saıtyna silteme jasap.

Ártúrli fotosýretter men jarııalanymdar únemi paıda bolatyn @braevbalgabay jalǵan akkaýnty Instagram-da 2019 jylǵy 15 aqpanda tirkelgen. Onyń bul áreketin áshkerelep, dáleldi izdeý jumysy bir aptaǵa sozylǵan.

29 jastaǵy Pavlodar qalasynyń turǵyny - Qazaqstan Respýblıkasy Ulttyq ulany 6679 áskerı bóliminiń áskerı qyzmetshisi Aqsý qalasynyń ákimi Balǵabaı Ybyraevtyń atynan Instagram paraqshasyn ashqany anyqtalǵan.

Pavlodar oblysy ákiminiń ádep jónindegi ýákiletti Iýrıı Feldmannyń aıtýynsha, áskerı qyzmetshi Instagram jelisindegi Aksý ákiminiń atynan paraqshasyn óz betimen jáne uıaly telefonynan ashqanyn kórsetken. Ony osylaı jasaý týraly úshinshi taraptardyń birde-bireýi - jubaıy, týystary, tanystary, áriptesteri jáne t.b. suramaǵan.

"Aqsý qalasynyń ákimi atynan ashylǵan Instagram paraqshasy 4-5 aptanyń ishinde 900-ge jýyq adamdy jınap úlgergen. Ol qala ákiminiń atynan ashý sebebin Aqsýdan kóbirek oqyrman jınaǵysy kelgenin aıtyp túsindirdi. Sodan keıin paraqshasyn óziniń esimimen qaıta ataýdy josparlaǵan. Osylaısha óz akkaýnty arqyly tanymaldyqqa ıe bolǵysy kelgen," - dedi Feldman.

Kelisimshart boıynsha áskerı qyzmetshilermen ruqsat etilgen resmı tártip pen moraldyq-etıkalyq normalardy buzý faktisine qatysty  qyzmettik tergeý júrgizilip, oǵan sógis jarııalandy.

Qazirgi tańda, «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasy Zańynyń 26-baby  negizinde teris sebepter boıynsha ony jumystan bosatý qarastyrylýda.

“Búgingi kúni Ulttyq gvardııanyń qatarynda bolýy týraly másele áskerı qyzmetshi syrqattanýyna baılanysty aýrýhanadan shyqqannan keıin sheshiledi”, - dedi Iýrıı Feldman.

Aýdarǵan: Ildar Adılchenov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir