• USD 378.65
  • EUR 430.07
  • RUB 6
  • CNY 55.1
26 Tamyz, 14:26:55
Nyǵmatýlın Parlamenttiń qos palatasyn birlesken otyrysqa shaqyrdy

01 Maýsym, 2019 Barlyq aımaqtar

Kaspıı teńiziniń jaǵalaýynda elimizdegi eń úlken akvaparktyń irgetasy qalandy

QR Premer-Mınıstri Asqar Mamın Mańǵystaý oblysyna jumys saparymen baryp

QR Premer-Mınıstri Asqar Mamın Mańǵystaý oblysyna jumys saparymen baryp, onda QR Tuńǵysh Prezıdenti – Elbasy Nursultan Nazarbaev alǵa qoıǵan mindetterdiń júzege asyrylýymen jáne Memleket basshysy Qasym-Jomart Toqaevtyń bıylǵy sáýir aıynda jumys sapary barysynda óńirdi áleýmettik-ekonomıkalyq damytý boıynsha bergen tapsyrmalarynyń oryndalýymen tanysty. QR Úkimetiniń basshysy óńir aktıviniń qatysýymen jumys keńesin ótkizdi. Mańǵystaý oblysynyń ákimi E. Toǵjanov elimizdiń áleýmettik-ekonomıkalyq damýyn qamtamasyz etý boıynsha qabyldanyp jatqan sharalar týraly baıandady. Bıylǵy 4 aıdyń qorytyndysy boıynsha óńirde ónerkásiptik ónim óndirisiniń kólemi 943,6 mlrd teńgeni qurady, sonyń ishinde 20,1%-ǵa mashına jasaý ósimin qamtamasyz etý esebinen boldy. Negizgi kapıtalǵa ınvestısııalar 121,8 mlrd teńgeni qurady. Jalpy alǵanda, bıyl óńirdiń ınvestısııalyq qorjyny 1,6 trln teńgege 44 ınvestısııalyq jobadan turady, olardyń ishinde 67 mlrd teńgege 22 jobany iske asyrý 2019 jylǵa josparlanǵan. Keńes barysynda ulttyq ekonomıka vıse-mınıstri E. Alpysov, ındýstrııa jáne ınfraqurylymdyq damý vıse-mınıstri B. Qamalıev, energetıka vıse-mınıstri M. Myrzaǵalıev «Aýyl – El besigi» jobasyn iske asyrý, óńirde kólik ınfraqurylymyn jáne munaı-gaz keshenin damytý týraly baıandady.

Mańǵystaý

Memleket basshysy Qasym-Jomart Toqaevtyń tapsyrmalaryn oryndaý aıasynda óńirde Jańaózen qalasyn áleýmettik-ekonomıkalyq damytýdyń 2025 jylǵa deıingi keshendi josparyn iske asyrý jumystary bastaldy. 67 is-shara josparlanǵan, sonyń nátıjesinde 16,3 myń jumys orny ashylady.  Keńes qorytyndysyn shyǵara otyryp, Asqar Mamın Mańǵystaý oblysy Qazaqstannyń batys qaqpasy ekenin aıtyp, ónerkásip jáne kólik-logıstıka salalaryn, týrızmdi odan ári damytýdyń qajettigin atap ótti.

QR Premer-Mınıstri Asqar Mamın Kaspıı teńiziniń jaǵalaýynda jańa joba salynatyn jerde tas salý rásimine qatysty. Akvaparki, sport alańdary men kongress-holy bar 600 nómir 2000 orynǵa arnalǵan týrıstik keshendi 2020 jyldyń shilde aıynda paıdalanýǵa berý josparlanǵan. Bul jobany iske asyrý oblysta týrızmniń damýyna zor serpin beredi, atalǵan jobada 2000-ǵa jýyq jumys ornyn ashý kózdelgen. Kaspıı teńiziniń jaǵalaýy týrızmdi damytýdyń ázirlengen memlekettik baǵdarlamasyna sáıkes Qazaqstannyń basym týrıstik aýmaqtarynyń úzdik ondyǵyna kiredi. О́ńirde jańa 45 qonaq úı keshenin salý úshin jeke ınvestısııalar tartý jumystary júrgizilip jatyr. Sonymen qatar, QR Úkimetiniń basshysyna jumys sapary barysynda ınvestısııalar kólemi $1,8 mlrd astam bolatyn «Aqtaý teńiz porty» AEA aımaǵynda metanol men olefın óndirý zaýytynyń jobasy da tanystyryldy. Joba ımportty almastyrýǵa baǵyttalǵan, zaýytta gaz metanolǵa qaıta óńdeledi jáne 40-tan astam ónim ataýyn shyǵarýǵa múmkindik beretin basqada quraýyshtar shyǵarylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir