• USD 468.56

  • EUR 497.56

  • RUB 7.3

  • CNY 67.18

29 Naýryz, 00:13:28
Almaty
+35°

04 Maýsym, 2019 Saıasat

Qazaq aýyldary aýyz sýǵa qashan qaryq bolmaq?

Qolarbamen flıag súırep, baspadan qos qaryń talǵansha sý basyp, qudyqtan qaýǵa shelekti shirene tartyp júretin zaman kelmeske ketti. Adamnyń ómirin jeńildetýdi kózdeıtin dáýir ornady. Búginde taza aýyz sý – aýyldaǵy qandastardyń basty máselesi, basty talaby.

Sonymen, Qazaqstannyń barlyq aımaǵy qashan aýyz sýmen tolyq qamtamasyz etilmek?

Aýyldaǵy aǵaıynnyń jaǵdaıy qaladaǵy kúıbeń tirlikti qazaqtardy alańdatýyn sıretken. Naǵyz beınettiń ortasyndaǵy aýyl qazaǵy áli sol darhan peıildi, aǵaıynshyl, shúkirshil qalpynda. Olardyń órkenıetti memlekette aýyz sýǵa jarymaı kelse de, qyńq demeýiniń sebebi osynda.

Búgin úkimet otyrysynda Qazaqstannyń Aýyl sharýashylyq mınıstrligi Indýstrııa jáne ınfraqurylymdyq damý mınıstrliginiń aýyldyq jerlerdi 2022 jylǵa deıin 100 paıyz aýyz sýmen qamtamasyz etý týraly usynysyn tolyq maquldady. Usynysty Aýyl sharýashylyq mınıstri Saparhan Omarov jasady.

Otyrysta baıandama jasaǵan  Indýstrııa jáne ınfraqurylymdyq damý mınıstri Roman Sklıar Aýyl sharýashylyq mınıstrligine aýyz sýmen qamtamasyz etýdiń jetildirilgen nusqasyn berýdi suraǵan edi.

«Bul usynystan keıin jasalǵan naqty qadamdar memlekettik mekemelerdiń aýyldyq jerdegi halyqtyń tolyq aýyz sýmen qamtamasyz etilýine aýyzbirshilikti jolmen barǵanyn kórsetedi. Atalǵan tájirıbe óz nátıjesin berip úlgergen. 2017 jyly Qyzylorda oblysynyń sý júıesin basqaratyn mekemesi jedeldetilgen jumys jasap, aýyldyq jerdegi halyqty tolyq aýyz sýmen qamtamasyz etti. Bul usynysty júzege asyrý keıbir arnaıy jobalardan mańyzdyraq», - dedi Roman Sklıar.

Úkimet otyrysyndaǵy osyndaı baıandamalardan keıin Omarov basqaratyn mınıstrlik jedel iske kirisip, eldegi aýyz sý máselesin 2022 jylǵa deıin sheshýge sóz berdi. Tirshilik náriniń el aýmaǵyn túgel qamtıtyn ýaqyty alys emes sııaqty...

Ádilet Mádenıet

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir