04 Maýsym, 2019 Sport
Qazaqstandyq sportshy ózbekstandyq qarsylasyn jeńip, álem chempıony atandy
Qoıan-qoltyq urystan Reseıdiń Sankt-Peterbýrg qalasynda ótken álem chempıonaty óz máresine jetti.
Qazaqstandyq sportshy Qazbek Saǵyn qoıan-qoltyq urystan álem chempıonatynyń jeńimpazy atandy dep habarlaıdy Qamshy.kz aqparat agenttigi Qsport.kz portalyna silteme jasap.
55 kelide synǵa túsken Qazbek Saǵyn fınalda ózbekstandyq qarsylasyn jeńip, álem chempıony atandy.
Sondaı-aq 60 kelidegi Ulan Muqashev pen 85 keli salmaqtaǵy Nursultan Bekbatshaev qarsylastarynyń bárin aıqyn basymdylyqpen utyp, álem chempıony atandy.
Aıdyn Tólepbaev (75kg) pen Serik Abırov (+90 kg) kúmisti qanaǵat tutsa, 65 kelidegi Islam Turǵanbaev, Jandos Asqarbekuly 80 kelide, Erdaýlet Jeńis 90 kelide qola juldeger atandy.
Al qyzdar arasynda Qundıas Saǵyndyqova 75 kelide álem chempıony atansa, Aıan Tursyn (50 kg), Asel Jamaqaeva (+75) kúmis júldeni ıelendi. Odan bólek, Zınaıda Beloýsova (55 kg), Sora Rohmonova (60 kg), Regına Maksımova (65 kg), Ánel Seıtmurat (70 kg) qola júldeger atandy.
Aıta keteıik, álem chempıonatyna álemniń 37 elinen, 207 sportshy synǵa tústi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir