• USD 378.65
  • EUR 430.07
  • RUB 6
  • CNY 55.1
21 Tamyz, 23:07:14
Senim údesinen shyqqan bank

03 Maýsym, 2019 Áleýmet

Baqyt Sultanov Úkimet úıi aldynda jınalǵan kópbalaly analardy jeke qabyldaı bastady

Elordanyń ákimi Baqyt Sultanov pen Eńbek jáne halyqty áleýmettik qorǵaý mınıstri Berdibek Saparbaev áleýmettik qorǵaý mınıstrliginde kópbalaly analardyń jeke qabyldaýyn bastady.

Ákimmen birge qabyldaýǵa QR ındýstrııa jáne ınfraqurylymdyq damý birinshi vıse-mınıstri Qaıyrbek О́skenbaev qatysty, - dep habarlaıdy Qamshy.kz aqparat agenttigi elorda ákimdiginiń saıtyna silteme jasap.

Kópbalaly analardyń bári (shamamen 70 adam) - úkimet ǵımaratynyń aldyndaǵy is-sharaǵa qatysýshylar. Olar memleket basshylyǵymen kezdesýdi talap etti.

Olardyń basty talaptarynyń biri jekemenshik baspana berý jóninde boldy. Kópbalaly analar 10 paıyzdyq bastapqy jarnanyń kúshin joıýdy, ıpoteka boıynsha jyldyq 2 paıyzdyń kúshin joıýdy (páterdi satyp alýǵa bólip tóleýdi engizý), turǵyn úıdi jalǵa emes birden menshikke berýdi talap etti.

Aıta keterligi, kópbalaly analardyń bári osyǵan deıin qala ákiminiń jáne Eńbek jáne halyqty áleýmettik qorǵaý mınıstri Berdibek Saparbaevtyń jeke qabyldaýynda bolǵan. Al kótergen máseleleri osyǵan deıin qala basshylyǵy men mınıstrlik tarapynan sheshimin tapqan. Olarǵa kópbalaly otbasylarǵa tıesili ataýly áleýmettik kómek jáne járdemaqy alý, sondaı-aq kópbalaly otbasylardyń balalaryna beriletin jeńildikter týraly keńester berildi.

Qala basshylyǵy kópbalaly analardyń balalaryn balabaqshalardaǵy oryndarmen (sonyń ishinde ınklıýzıvtik) qamtamasyz etý jónindegi barlyq ótinishin jedel sheshti.

Ákimdik balalardy jazǵy lagerlerge beriletin tegin joldamamen qamtamasyz etti. Jalpy oqý sheńberinde az qamtylǵan kópbalaly otbasylardyń barlyq oqýshysyna keńse taýarlary men kıim-keshek berildi. Tilek bildirýshi ata-ananyń bárine jumys oryndary nemese oqý kýrstaryna joldama berildi.

Al "qysqa merzimde baspanamen qamtamasyz etý» týraly talabyna osyǵan deıin birneshe ret turǵyn úı zańnamasynyń, "Baspana" baǵdarlamasynyń jáne kezekte turǵandardyń turǵyn úı alý erejesi týraly túsindirilgen. Elordada mýnısıpaldy baspanalardyń qurylys kólemi artyp kele jatqanyn Baqyt Sultanov osyǵan deıin de birneshe ret málimdegen.

"Bıyl biz kezekte turǵandarǵa 900 páter (byltyr 182) tapsyramyz. Jyl saıyn beriletin mýnısıpaldy páterlerdiń sanyn arttyrý úshin tyrysamyz. Biraq zań boıynsha meniń múmkindigim shekteýli. Biz demeýshilerdi qyzyqtyryp jatyrmyz. Al kúmándi jaıt týyndamas úshin bul páterlerdi ortaq kezekpen beremiz", - dedi ákim.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir