• USD 378.65
  • EUR 430.07
  • RUB 6
  • CNY 55.1
20 Tamyz, 16:27:11
Alpınısterdiń naqty qaı jerde ekeni áli belgisiz

31 Mamyr, 2019 Barlyq aımaqtar

«Býkmekerlik keńselerdi jaba almaımyz. Biraq olar quqyqtyq alańda jumys isteýleri tıis» - Noǵaev.

«Býkmekerlik keńselerdi jaba almaımyz. Biraq olar quqyqtyq alańda jumys isteýleri tıis» - Noǵaev.

Atyraý oblysynyń ákimi Nurlan Noǵaev quqyq qorǵaý organdaryn sıfrlandyrý máseleleri boıynsha vedomstvoaralyq komıssııa otyrysyn ótkizdi.
Oblys prokýrorynyń orynbasary Baýyrjan Jumaqanovtyń aıtýynsha, sıfrlandyrý, qylmystyq isterdi elektrondy túrde tirkeý jumystary áli de jetildirýdi qajet etedi.
2017 jyly oblystyq bıýdjetten polısııa departamentin, bólimshelerdi qajet tehnıkamen jabdyqtaýǵa 406 mln teńge bólingen. 262 kompıýter satyp alyndy.
- Tirkelgen isterdiń 27,3% ǵana elektrondy túrde júrgiziledi. Bul tómen kórsetkish, - dep atap ótti Baýyrjan Jumaqanov.
Elektrondy túrde tirkelip, keıin qaǵaz úlgige aýystyrylatyn derekter de bar. Bul kóbine ashylmaǵan qylmystarǵa qatysty.
Atyraý oblysynyń prokýrory Halıdolla Dáýeshovtiń aıtýynsha, elektrondy úlgige aýystyrylǵan qylmystyq isterdiń kórsetkishi tómen.
-Aqtóbe, Atyraý, Aqmola oblystarynda elektrondy júıedegi ister qatary az. Aqmola oblysynda tehnıkamen qamtylý
3%, Aqtóbede - 30% bolsa, bizde- 75%. Barlyq qajetti tehnıkamen qamtylǵansyzdar, bári jańa, biraq durys paıdalanylmaıdy. Sebebi nede? Bıýdjetten 406 mln teńge bólingen, birde bir oblysta mundaı qarajat qaralmaıdy, bul ákimdik tarapynan úlken qoldaý, alaıda, kórip otyrǵanymyzdaı polısııalar múmkindikti paıdalanbaıdy, - dedi oblys prokýrory. atyraý
- Bul polısııa departamentine ǵana aıtylǵan syn emes, atqarýshy organdarǵa da qatysty. Búgin prokýratýra polısııany synaıdy, mıllıondaǵan qarjyny alyp otyryp, múmkindikti paıdalanbady dep. Erteń esep komıssııasy eger jumys júrmese, nege osynsha qarajat bóletinimizdi suraýy múmkin. Bul qarjyny nege mysaly basqa áleýmettik nysandarǵa bólmeımiz? Sonda ne dep jaýap beremiz? Bul suraq bárimizge qatysty,-dedi Nurlan Noǵaev.
Bul rette jaǵdaıdyń naqty sebebin anyqtaý mańyzdy. Pikirtalasta otyrysqa qatysýshylar polısııanyń osy baǵyttaǵy jumysynyń kóńilden shyqpaýyna kadr joqtyǵy basty sebep degen qortyndyǵa keldi.
Jıynda, sondaı-aq, jergilikti polısııa basshysy Álibek Qaıyrovtyń baıandamasy tyńdaldy. Qylmystyń kóbeıgeni týraly derekter bolǵanmen, jalpy jaǵdaı turaqty. Oblys ákimi atqarýshy bılik quqyq qorǵaý organdary durys jumys isteý úshin barlyq qajet jaǵdaıdy jasap otyrǵanyn atap ótti.
-Jergilikti turǵyndar problema bola qalsa, aldymen ýchaskelik polısııaǵa jáne ákimdik ókilderine habarlasady. Biz ýchaskelik polısııa qyzmetkerlerin turǵyn úımen qamtyp otyrmyz, ýchaskelik polısııa bólimsheleri salynýda. Bul óz kezeginde qylmys sanyn azaıtýǵa múmkindik beredi. Foto, beıne tirkeý jobasyn júzege asyrýdamyz. Jyl sońyna deıin beınebaqylaý kameralarynyń sanyn 1,5 myń birlikke jetkizemiz. atyraýSizderdiń taraptaryńyzdan da jumys pen nátıje kerek,-dep atap ótti Nurlan Noǵaev.
Oblys ákimi otbasylardy talqandap, adamdardy bankrottyqqa deıin ákelip jatqan býkmekerlik keńselerdiń jumysyna polısııanyń nazaryn aýdardy.
-Býkmekerlik keńselerdiń jumysyna qatysty shaǵymdar kóp. Adamdar bir kúnde bar jıǵan-tergen aqshalaryn shashyp ketedi. Olar zańdy jumys isteıdi deıdi, biraq zańsyz kazınolar men osyndaı oryndardyń bary ras. Birikken reıd júrgizip, zańsyz áreketterdi anyqtaý qajet. Munyń bári túptep kelgende qoǵamdyq qaýipsizdikke áser etedi. Bul kásipkerlik qyzmet, jumystaryna aralasýǵa nıetti emespiz, biraq olar da quqyqtyq alań sheńberinde jumys isteýleri tıis, - dep atap ótti N. Noǵaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir