• USD 468.56

  • EUR 497.56

  • RUB 7.3

  • CNY 67.18

29 Naýryz, 09:23:40
Almaty
+35°

03 Maýsym, 2019 Saıasat

Nur-Sultanda narazy analar ashtyq jarııalap jatyr (vıdeo)

Qazaqstan astanasy Nur-Sultan qalasynda bir top (naqty sany belgisiz, shamamen 40-qa jýyq) kóp balaly, jalǵyzilikti analar bılikke narazylyqtaryn aıtyp, Aqordanyń aldyna jınaldy.

3 maýsymda Qazaqstan astanasy Nur-Sultan qalasynda bir top (naqty sany belgisiz, shamamen 40-qa jýyq) kóp balaly, jalǵyzbasty analar bılikke narazylyǵyn aıtyp, Aqordanyń aldyna jınaldy dep jazady Qamshy.kz aqparat agenttigi.

Olardyń narazylyqqa shyǵýyna basty sebep – baspana máselesin sheshe almaı júrgendigi.

Jınalǵan analar Qazaqstannyń Tuńǵysh prezıdenti Nursultan Nazarbaevtyń, qazirgi prezıdenti Qasym-Jomart Toqaevtyń jáne premer-mınıstr Asqar Mamınniń shyǵýyn talap etýde. Alaıda narazy analardyń talabyn tyńdaýǵa joǵaryda atalǵan laýazymdy tulǵalardyń eshqaısysy shyqqan joq. Narazy analar Aqordadan joǵaryda attary atalǵan laýazymdy tulǵalar shyqpaǵan soń Úkimet úıiniń aldyna bardy. Olarmen tildesýge Premer-mınıstrdiń orynbasary Gúlshara Ábdihalyqova,  Eńbek jáne áleýmettik qorǵaý mınıstri Berdibek Saparbaev jáne qala ákimi Baqyt Sultanov shyǵyp, talap-aryzdaryn tyńdaýda. Olar narazy analardy ǵımarat ishine kirip sóılesýge shaqyrdy, biraq narazy top ishke kirýden bas tartyp, "máselemizdi osy jerde sheship berińder", "ákimdik ǵımaratyna baryp sharshadyq" dep otyr.

Saǵat 10.00-de bastalǵan narazylyq áli de jalǵasyp jatyr. Narazy analar Aqordanyń aldyndaǵy alańda ashtyq jarııalady. Olardy arnaıy polısııa jasaǵy qorshap alǵan. Polısııa ókilderiniń sany jınalǵan analardan da kóp. Olar analar otyrǵan alańdy qorshap syrttan basqa adamdardy kirgizbeı tur. Ashtyq jarııalaǵan analardyń biri esinen tanyp qaldy, ony jedel járdem alyp ketti.

Narazy analar "baspana, baspana, baspana" dep urandap, Qazaqstannyń Ánuranyn aıtýda. Olarmen tildesýge shyqqan laýazymdy tulǵalardyń barlyǵy ǵımaratyna qaıta kirdi. Tek polısııa ókilderi ǵana olardy qorshap tur.

 

Vıdeo Azattyq radıosynan alyndy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir