Kaıdzen júıesiniń siz bilmeıtin qupııalary: Jalqaýlyqty qalaı jeńýge bolady?

Kaıdzen – kishkentaı qadam jasaý arqyly jeke ómirde maqsatqa jetýdiń japondyq júıesi. Qamshy.kz aqparat agenttigi kaıdzen ádisi arqyly jalqaýlyqty jeńýdiń joldaryn anyqtap kórsetedi. 

Biz nege jalqaýmyz?

Kóp adamdardyń sanasynda árbir ózgeris qıyndyqpen keledi degen túsinik qalyptasqan. Úlken maqsat pen uly arman júregińizge qorqynysh uıalatady. Sol sebepti mıyńyz ózgeristerge shekteý qoıyp, qolyńyzdan keletin istiń aldyn oraıdy. Alaıda kaıdzen júıesin qurýshylar men qoldanýshylar bul oıdy joqqa shyǵarady. Júıeniń negizgi qyzmeti ár kún saıyn kishkentaı qadamdarmen maqsatqa jetý.

Esińizde saqtańyz, sizdiń ár jasaǵan kishkentaı qadamyńyz úlken armanyńyzdyń oryndalýyna jeteleıdi.

Bul qalaı júzege asady?

Mysaly, siz shet tilin úırengińiz keledi. Biraq siz bul maqsatyńyzdy júzege asyram dep júrgenińizge eki jyl boldy delik. Biraq ýaqytyńyz joq. Til úırený úshin kýrsqa jazylyp, kún saıyn 1-2 saǵatyńyzdy bólýińiz kerek.

Alaıda maqsatyńyzǵa eshqandaı qadam jasamaısyz. Bul jaǵdaıda kaıdzendi qalaı qoldanýǵa bolady? Kún saıyn kem emes, artyq emes úsh jańa sózden jattap otyryńyz. Tek qana úsh sóz. Buǵan qansha ýaqyt ketedi? Durys, kem degende 5 mınýtyńyzdy bólseńiz bolǵany.  Al bir jyl ishinde sózdik qoryńyz qansha sózben tolyǵady? Joq degende 1000 sóz! "Al úırenýim kerek edi" dep júrgen kezde qansha sóz jattadyńyz? Mine, aıyrmashylyq qaıda jatyr.

Nemese bulshyq etińizdi shyǵaryp, aryqtaý úshin de osy másele týyndaıdy. Sport zalǵa baryp, ýaqyt bólý kerek. Sol sebepti kaıdzen júıesi arqyly kúnine 4 mınýt ýaqytyńyzdy arnap sportpen shuǵyldanyńyz, nátıjesi kóp uzamaı biline bastaıdy.

Keıde tipti belgili bir áreketti oryndap, jetistikke jetý úshin 1 mınýttyń ózi jetkilikti. Árbir kishkentaı qadam sizdiń kúndelikti daǵdyńyzǵa aınalady. О́zgerister baıqalyp, ómirińiz ózgere bastasa sizdiń

Bul ádistiń basty talaby – úzdiksiz is-áreket! Ár kún saıyn aqyryn adymdap basyp, maqsatyńyzǵa jetesiz!

Qadam jasaý algorıtmi

• Siz úshin paıdaly emes, ýaqytyńyzdyń teń jartysyn alatyn jumystardyń tizimin jasańyz;
• Kelesi qadam siz úshin paıdaly, nátıjeli isterdiń tizimin quryńyz; árbir tizimge bir isten qosyp otyryńyz;
• О́zińizdiń kúndelikti ómirińizge eń aldymen engizgińiz kelgen isterdi anyqtap alyńyz;
• О́z maqsatyńyzǵa jetý úshin ne isteı alamyn degen suraq qoıyńyz (mysaly siz emizýli sábıińizben ózińizdi damytqyńyz keledi);
• Azdan bastańyz, kún saıyn bir mınýtyńyzdy sol iske arnańyz (aqyryn qadam jasap, qıyndyq týǵyzbaý kerek). Aqyryndap qarqynyńyzdy asyryp otyryńyz. Qolǵa alǵan árbir isińizdi daǵdyǵa aınaldyryńyz.

Kaıdzen júıesindegi is-áreketterdiń mysaldary:

Maqsaty:	Kaıdzen júıesindegi is-áreket
Kóp aqsha jumsamaý	Dúkende kassaǵa jetpeı turyp, sebetińizdegi bir zatty alyp tastańyz.
Sortpen shuǵyldaný	Ár kún saıyn, 5 mınýt júgirińiz
Kúızelisti jeńe bilý	Kúnine bir ret ózińizdi jaısyz sezinetin jerińizdi anyqtap, tereń tynystap demalyńyz.
Úıdi taza ustańyz	Úıińizdiń bir buryshyn belgilep, 5 mınýtqa taımer qoıyp, sol buryshty jınaýǵa kirisińiz. 5 mınýt ótkennen keıin birden toqtatyńyz.
Kóbirek uıyqtańyz	Kúnde keshke qaraı 1 mınýtqa erte jatyńyz nemese 1 mınýtqa kesh turyńyz.
Kóp kofe ishýdi doǵaryńyz	Kúnine  1 kese kofeniń sanyn qysqartyp otyryńyz. Tek kofeni qatty ishkińiz kelse ǵana paıdalanyńyz.

Kaıdzendi qoldanǵyńyz kelse, armanyńyz ben maqsatyńyzǵa kúnine kishkentaı ǵana qadam jasańyz. Maqsatyńyz qıyn, qol jetpesteı kórinýi múmkin. Alaıda soǵan qaramastan tyǵyryqtan shyǵyp, az adymmen mol múmkindikterge qol jetkizińiz!

Oqı otyryńyz: 

♦ Kaıdzen ádisi: bala tárbıesindegi jetistikke jeteleıtin jetilik

♦Qyzmetkerin jumystan qýmaıtyn japondyq júıe — kaıdzen

♦Qumar Musaev: Kaıdzendi Qazaqstanǵa alyp kelgen Marǵulan Seısembaı

♦Ǵanı Baıǵalıuly: Kaıdzen - Islam dini sııaqty júıe

♦Nurǵalı Qanatuly: Biz qazaqqa kaıdzenniń jat emes ekenin dáleldedik

♦Jeldetkish zaýytyndaǵy kaıdzen júıesi: bonýs beretin berekeli bıznes

♦Kaıdzen ortalyǵyna kirdiń – ǵajaıypqa sapar shektiń

♦ Kaıdzenniń 6 qaǵıdasy. Japondar ómirin qalaı jeńildetti?