Rınat Zaıtov: "Qosanovta sharýam joq, biraq..." (vıdeo)

Áleýmettik jelide belgili aıtysker aqyn Rınat Zaıtovtyń qatysýymen ótken jıynnan túsirilgen áýesqoı beınematerıal tarap ketti. Bul jıynda halyq ortasynda sóılegen aqyn boıkot jarııalaýshylarǵa batyra aıtty dep jazady Qamshy.kz aqparat agenttigi.

Ý-shýǵa ulasqan kópshilikti sabyrǵa shaqyrǵan aqyn bir mámilege kele almaǵan qos tarapqa tarqasatyn tusty aıtty. Onyń aıtýynsha, aqynnyń Qosanovty qoldap turǵany shamaly.

"Qosanov bola ma, basqa bola ma, maǵan báribir. Meniń tek bir ǵana qarsylasym bar. Ol – bıliktegi partııa. Oǵan qarsy turǵan kez-kelgen top – meniń joldasym. Boıkot jarııalasańyzdar, óz erikterińiz. Sizderdiń de, bizdiń de sheshim durys bolsyn. Osymen tarqaıyq", - dedi Zaıtov.

Sózge toqtamaǵan kópshiliktiń shýyna yzasy kelgen Zaıytov eldiń aýyzbirshiliginiń mańyzdylyǵyn atap ótti.

"Quryltaı – yntamaqtastyqqa, aýyzbirshilikke keletin jer. Yrdý-dyrdý bolmaıyq", - dep túıdi sózin ol.

Quryltaıda Toqtar Áýbákirov halyqty saılaýǵa shaqyrmaq bolyp, sóz sóıledi.

Oqı otyryńyz:

♦Halyq Áýbákirovke qarsy shyqty (vıdeo)

Daıyndaǵan: Ádilet Mádenıet