• USD 378.65
  • EUR 430.07
  • RUB 6
  • CNY 55.1
26 Tamyz, 16:24:19
Nyǵmatýlın Parlamenttiń qos palatasyn birlesken otyrysqa shaqyrdy

01 Maýsym, 2019 Oqıǵalar

"Jýsan-3" operasııasy: Sırııadan taǵy 171 bala elge qaıtaryldy (vıdeo)

Buǵan deıingi ekinshi kezeńdi elge 59 áıel, 156 bala qaıtarylǵan bolatyn.

Mamyr aıynyń 28-31 kúnderi "Jýsan" operasııasynyń sońǵy kezeńi júzege asyryldy. Bul týraly 31 mamyrda Qazaqstan prezıdenti Qasym-Jomart Toqaev málimdedi dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Qazaqstan azamattaryn Sırııadan qaıtarý «Jýsan" arnaıy operasııasynyń úshinshi kezinde Sırııadan 67 áıel adam, 171 bala, onyń ishinde, toǵyzy jetim, elge qaıtarylǵan. Olar biraz ýaqyt ońaltý ortalyǵynda bolady. Aqordanyń baspasóz qyzmeti úsh kezeńnen turǵan "Jýsan" operasııasynyń aıaqtalǵanyn habarlady.

Buǵan deıin 9 qańtarda burynǵy prezıdent Nursultan Nazarbaev "Jýsan-1" arnaıy operasııasy nátıjesinde Qazaqstannyń 47 azamaty Sırııadan oralǵanyn málimdegen. 7 jáne 9 mamyr kúnderi "Jýsan-2" operasııasy aıasynda Sırııadan Qazaqstannyń 231 azamaty elge jetkizilgen. Olardyń 159-y – bala.

QR prezıdenti Qasym-Jomart Toqaev «Jýsan-3» operasııasynyń sátti aıaqtalǵany týraly málimdeme jasady.

"Meniń tapsyrmam boıynsha 28-31 mamyrda «Jýsan» arnaıy gýmanıtarlyq aksııasynyń sońǵy kezeńi tabysty ótti. Sırııadan otandastarymyzdyń kezekti toby oraldy. Qazaqstannyń memlekettik qurylymdarynyń júıeli jumystarynyń jáne sheteldik seriktestermen tyǵyz yqpaldastyqtyń arqasynda qaqtyǵys aımaǵynan 171 bala shyǵaryldy. Qazaqstanǵa oralǵan soń, olar ońaltý sharalarynan ótip, barlyq qajetti kómek alatyn arnaıy beıimdeý ortalyǵyna ornalastyryldy.

Jýsan» gýmanıtarlyq operasııasy – aýqymdy aksııa. Bul bastamany Tuńǵysh Prezıdent – Elbasy Nursultan Nazarbaev usyndy jáne byltyrdan beri júzege asyrylýda. Keshendi sharalar nátıjesinde qaqtyǵys aımaǵynan Otanymyzǵa 357 bala qaıtaryldy. Balalardyń qaýipsizdigin qamtamasyz etý «Jýsan» operasııasynyń basty maqsaty boldy.

«Jýsan» gýmanıtarlyq operasııasynyń qorytyndylary memleketimizdiń óte kúrdeli mindetterdi tıimdi sheshýge qabiletti ekenin kórsetti.

Osy operasııaǵa qatysqan arnaıy qyzmet ókilderiniń, dıplomattardyń, áskerılerdiń bárine tapsyrylǵan jaýapty mıssııany abyroımen oryndaǵany úshin alǵys bildiremin.

Elge oralǵan otandastar jańa ómir bastaýǵa, al balalar beıbit ómir súrýge múmkindik aldy.

Biz óz azamattarymyzdyń quqyqtary men qaýipsizdigin aldaǵy ýaqytta da qorǵaıtyn bolamyz" degen memleket basshysy málimdemesinde. 

«Jýsan-3» operasııasy Sırııadan qazaqstandyq» azamattardy elge jetkizý boıynsha keshendi gýmanıtarlyq operasııasy barysynda elge jalpy 516 qazaqstandyq jetkizildi. Onyń 357-si bala.

Usynǵan: Maqpal Sembaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir