• USD 378.65
  • EUR 430.07
  • RUB 6
  • CNY 55.1
20 Tamyz, 03:12:39
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

01 Maýsym, 2019 Oqıǵalar

Shekarashy sýǵa batqan júkti áıel men onyń 5 jasar balasyn qutqaryp qaldy

Keıin belgili bolǵandaı, ol eki adamnyń emes, úsh adamnyń ómirin qutqarypty.

Shekarashy sýǵa batyp bara jatqan júkti áıel men onyń 5 jasar balasyn qutqaryp qaldy dep habarlaıdy Qamshy.kz aqparat agenttigi ktk.kz saıtyna silteme jasap.

Bul týraly QR UQK ShQ baspasóz qyzmeti habarlady delingen.

Petropavl shekara jasaǵyna qarasty «Bıdaıyq» ótkizý bólimshesiniń áskerı qyzmetshisi Gaıdaı Sergeı kezekshilikten keıin Bıdaıyq aýylyndaǵy kól jaǵasyna tynyǵýǵa barǵan. Kólge jaqyndaǵanda kópirdiń ústinde sýdyń betine shoshyna qarap ersili-qarsyly júgirip aıqaılap júrgen eki kishkentaı qyz balany baıqaıdy. Sol sátte kópir astynda áıel adamnyń sýdan bir batyp, bir shyǵyp jantalasyp jatqanyn kóredi. 

«Sergeı sý astyna súńgip, kóldiń tabanyn qolymen sıpalap júrip balany tabady da, kıiminen tartyp, sý betine alyp shyǵady. Ana men balany jaǵaǵa jetkizgen Sergeı es-tússiz jatqan 5 jasar Nurádilge alǵashqy medısınalyq kómek kórsetti. Sodan keıin ǵana bala esin jıdy», - delingen habarlamada.

Keıin belgili bolǵandaı, ol eki adamnyń emes, úsh adamnyń ómirin qutqarypty. Qutqarylǵan áıel, Jetpisova Mahabbat júkti eken. Sergeı ana men balany avtokóligine otyrǵyzyp, medısınalyq beketke alyp barǵan.

Usynǵan: Maqpal Sembaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir