• USD 378.65
  • EUR 430.07
  • RUB 6
  • CNY 55.1
21 Qyrkúıek, 01:20:19
Kevın Gaston: Bul tabıǵattyń qurdymǵa ketýi degen sóz

31 Mamyr, 2019 Aımaqtar

Elbasy tapsyrmalary Tarazda tııanaqty oryndalýda

Jambyl oblysynyń ákimi Asqar Myrzahmetovtiń basshylyǵymen  qarqyndy jumystar atqarylýda.

Taraz qalasynda Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasyn júzege asyrý baǵytynda Jambyl oblysynyń ákimi Asqar Myrzahmetovtiń basshylyǵymen  qarqyndy jumystar atqarylýda. Atap aıtsaq, «Atameken», «Tárbıe jáne bilim», «Rýhanı qazyna», «Aqparat tolqyny» kishi baǵdarlamalary men «100 jańa kitap», «Týǵan jer», «Qazaqstan kıeli jerleriniń geografııasy», «100 jańa esim» arnaıy jobalary boıynsha aýqymdy bastamalar qolǵa alyndy. Qazaq tilin latyn álipbıi negizindegi grafıkaǵa kóshirý máselesi de nazardan tys qalǵan joq. Jalpy, Taraz qalasynyń ákimi Qaırat Dosaevtyń aıtýynsha, 25 jobany iske asyrýǵa 2 mıllıard 472 mıllıon 750 myń teńge qarjy jumsaýdy qajet etip otyr. О́tken jyly qala ákimdiginiń ekonomıka jáne bıýdjettik josparlaý bólimi 9 jobaǵa 321 mıllıon 600 myń teńge bólgen.  Al oblystyq jobalyq ofıske «Atameken» kishi baǵdarlamasy boıynsha 2 joba usynyldy. Olardyń jalpy quny 374 mıllıon teńgeni quraıdy. Atalǵan jobalar demeýshilerdiń kómegimen júzege asyryldy. Atap aıtqanda, jeke kásipker Álimbek Jumabaev temir jol beketi mańyndaǵy skverdi abattandyrýǵa 150 mıllıon teńgege kómek kórsetse, «Araıstroımarket» JShS-niń dırektory Arman Edilbaev  «Atshabar»  skveriniń qurylysyna 224 mıllıon teńge jumsady. Sonymen qatar, « Bir sábı  – bir aǵash» jobasy boıynsha byltyr jańadan týylǵan  sábılerdiń ata-analary 500 túp aǵash otyrǵyzsa, bıylǵy jyly qala kóleminde 6 200 túp  shybyq tigildi. 

  Sonymen qatar, oblys kóleminde Elbasynyń «Týǵan jerge týyńdy tik!» aksııasy boıynsha da birqatar jumystar atqarylǵan. О́tken jyly «Týǵan jer» jobasy aıasynda Qazaqstan Respýblıkasynyń sport sheberi, áıelder arasynda bokstan kásipqoı Álem chempıony Fırýza Sharıpova óz bastamasymen eki múmkindigi shekteýli  bala tárbıelep otyrǵan Joldybaevtar otbasyna avtokólik syılady. Sondaı-aq, ulttyq qundylyqtarymyzdy jańǵyrtý maqsatynda «Sháýshen» sharýa qojalyǵynyń basshysy Saırambaı Dónenbaevtyń demeýshiligimen Tarazda «Ǵıbrat» ortalyǵy ashyldy. 1 jeltoqsan – Qazaqstan Respýblıkasynyń Tuńǵysh Prezıdenti kúnine oraı osy ıgi bastamalardyń jalǵasy retinde «Araıstroımarket» jaýapkershiligi shekteýli seriktestiginiń dırektory  Arman Edilbaev, «Altaıs grýpp» jaýapkershiligi shekteýli seriktestiginiń dırektory Álimbek Jumabaev Taraz qalasynyń turǵyndary Turǵanovtar jáne Ábilbashırovterdiń otbasyna páter kiltterin tabys etti. «Qazfosfat» JShS-niń bas dırektory, Qazaqstannyń Eńbek Eri Muqash Eskendirov óz qarajatyna «Myńbulaq» shaǵyn aýdanynda ámbebap zamanaýı sporttyq alańshasyn salyp berdi. Sporttyq alańshada bir mezgilde  25 bala sporttyń voleıbol, basketbol, shaǵyn fýtbol oınaýǵa jaǵdaı jasalǵan. Mundaı ıgi bastamalarǵa ún qosyp júretin mesanattar qatarynda qalalyq máslıhattyń depýtaty Rýslan Kan da bar. Ol «Samal» shaǵyn aýdanynda 25 jáne 30 úılerdiń aýlasyna beınekameralardy ornatyp bergen. Al, Taraz ınnovasııalyq-gýmanıtarlyq ýnıversıtetiniń rektory Erbolat Saýryqov 12 talapkerge, onyń ishinde Taraz fýtbol klýbynyń  qosalqy quramynyń 9 fýtbolshysyna, 3 múmkindigi shekteýli azamattarǵa tegin oqý grantyn taǵaıyndady. Budan ózge «Ǵylymı-klınıkalyq kardıohırýrgııa  jáne transplantologııa ortalyǵynyń» basshysy Seıithan Joshybaev 7 638  mıllıon teńgege 3 800 turǵyndy tegin dárigerlik tekserýden ótkizse, «Jasulan ı K» jaýapkershiligi shekteýli seriktestiginiń dırektory Jumagúl Omarova  az qamtamasyz etilgen bir otbasynyń  balasynyń joǵary oqý ornyndaǵy 5 jyldyq oqý aqysyn tólep berdi.

Dýlat Aıtbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir