• USD 378.65
  • EUR 430.07
  • RUB 6
  • CNY 55.1
25 Tamyz, 07:29:43
Qoryqshylardyń materıaldyq-tehnıkalyq bazasy kúsheıtiledi

31 Mamyr, 2019 Aımaqtar

Jambylda «О́lketaný» mýzeıiniń qurylysy bastalmaq

«Týǵan jer» jobasynyń tıgizip jatqan sharapaty mol.

«Rýhanı jańǵyrý» baǵdarlamasy aıasynda Áýlıeata óńirinde aýyz toltyryp aıtarlyqtaı aýqymdy jobalar jandanýda. Ásirese, «Týǵan jer» jobasynyń tıgizip jatqan sharapaty mol.

 -«Otan otbasynan bastalady» deıdi dana halqymyz. Iаǵnı, Otandy súıýdiń irgetasy aldymen týǵan jerge, kindik qanyń tamǵan jerge degen súıispenshilikten qalanady. Ár adamnyń óziniń shyǵý tegi men tamyry tereńge jaıylǵan týǵan ólkesi bar. Mine, osy negizde baǵdarlamanyń «Týǵan jer» jobasynyń «Atameken» kishi baǵdarlamasy bar.

Qazaq ár ýaqytta baryn jaqsylyqqa, qýanyshqa shashýdy jaqsy kóretin, qany tektilikte jatqan halyqpyz ǵoı. Sol sebepti bul baǵyttyń jaqsy damyp kele jatqanyn qýanyshpen aıtýǵa bolady. Zııalylyqtyń birinshi sharty adamnyń týǵan jerge, halyqqa jáne ult bolashaǵyna degen shynaıy janashyrlyǵynan bastaý almaq,- «Jambyl oblysynyń «Rýhanı jańǵyrý» jobalyq ofısi» mekemesi qoǵammen baılanys bóliminiń meńgerýshisi Ashat Oljabaı.

Atalmysh jobany Áýlıeata óńirinde  júzege asyrýda eki jyldyń ishinde birqatar jumystar atqarylǵan. Jalpy, somasy 2 mıllıard teńge kóleminde 129 joba, 13 is-shara uıymdastyrylypty.

Al aǵymdaǵy jyly osy ýaqytqa deıin demeýshilik jáne mesenattyq kómekter esebinen 765 mıllıon teńgege 29 joba júzege asyryldy. Mysaly, Taraz qalasyndaǵy «Atshabar» skveri jańǵyrtylyp, «Jastar alleıasy» dep qala ıgiligine qaıta berildi. Qordaı, T.Rysqulov, Jýaly aýdandarynda az qamtylǵan jáne kópbalaly otbasylarǵa turǵyn úıler berilse, Talas aýdanynda jol abattandyrylyp, kósheler jaryqtandaryldy. Munyń barlyǵy kásipkerler men qaltaly azamattardyń óz týǵan jerine týyn tigýi dep esepteýge bolady.

 Jyl sońyna deıin jalpy somasy 1,4 mıllıard teńge qarastyrylǵan barlyǵy 29 jobany júzege asyrý josparlanýda. «Uly dalanyń jeti qyry» maqalasynyń «Uly dalanyń ejelgi óner jáne tehnologııalar mýzeıi» arnaıy jobasy aıasynda ozyq óner men tehnologııa úlgileri negizinde mýzeıler, óner jáne mádenıet ortalyqtaryn qazirgi zamanǵy talapqa saı júıege keltirý kózdelgen. Osy baǵytta oblys ákimi Asqar Myrzahmetovtiń bastamasymen «Shahrıstan» etno-mádenı kesheninde «О́lketaný» mýzeıi, «Qolóner sheberler», «Rýhanııat» ortalyqtarynyń qurylysy bastalǵaly otyr.

Baqyt Jalǵas

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir