• USD 378.65
  • EUR 430.07
  • RUB 6
  • CNY 55.1
22 Tamyz, 07:05:11
Senim údesinen shyqqan bank

31 Mamyr, 2019 Aımaqtar

«Rýhanı jańǵyrý» aıasynda Jambylda 230 joba júzege asyrylǵan

«Rýhanı jańǵyrý» jobalyq ofısi» mekemesiniń basshysy Serikbol Berikqoja áńgimelep berdi.

Elbasynyń baǵdarlamalyq maqalasynda alǵa qoıylǵan maqsattar men mindetter negizinde Jambyl oblysynda iri jobalar men bastamalar qolǵa alynyp, oń nátıjesin berýde. Bul týraly «Jambyl oblysynyń «Rýhanı jańǵyrý» jobalyq ofısi» mekemesiniń basshysy Serikbol Berikqoja áńgimelep berdi.

2017-2018 jyly jalpy kólemi 2,5 mıllıard teńgege barlyǵy 230 joba júzege asyrylyp, oǵan 620 myń adam qamtyldy. Qazirgi tańda, oblys aýmaǵynda turaqty túrde monıtorıng júrgizý qolǵa alynǵan. Júrgizilgen monıtorıngtiń qorytyndysy boıynsha Elbasynyń «Bolashaqqa baǵdar: rýhanı jańǵyrý» atty maqalasyn halyqtyń 96 paıyzy biletinin jáne atalmysh baǵdarlamaǵa qatysy bar ekenin jetkizgen,- deıdi Serikbol Berikqoja.

Al «Qazaqstannyń kıeli jerleriniń geografııasy» bazalyq baǵyty boıynsha Qazaqstannyń kıeli jerleri kartasynyń tizimine oblysymyzdan 35 tarıhı-mádenı nysan, onyń ishinde 8 jalpyulttyq nysan, 27 nysan óńirlik deńgeıde engizildi. Atap aıtar bolsam, Merki-Jaısan túrki ǵuryptyq kesheni, Aqyrtas bekinisi (VIII-IX ǵǵ.), «Ejelgi Taraz qalashyǵy» (I-HIH ǵǵ.), «Tekturmas» kesenesi (HIV ǵ.), «Qarahan» kesenesi (HII ǵ.), «Aısha bıbi» kesenesi (HI-HII ǵǵ.), «Babajy Hatýn» kesenesi (HI-HII ǵǵ.), «Baızaq batyr Mámbetuly» kesenesi. Barlyq 35 nysannyń GPS koordınattary jasalyp, nysandarǵa qoljetimdilik tolyqtaı qamtamasyz etilgen. Bul nysandar Taraz qalasynyń 44 týrıstik mekemeleri marshrýttaryna engizilip, elimiz ben alys-jaqyn shetelderden kelgen týrısterge tanystyrylýda. Kıeli jerlerdiń kartasyna engen 8 jalpyulttyq nysandardyń tarıhy týraly arnaıy derekti fılmder túsirilip, kópshilik nazaryna usynylǵan bolatyn. Bul derekti fılmderdi áleýmettik jelidegi paraqshalardan da kórýge bolady. Sonymen qatar atalmysh nysandarǵa baratyn joldar jóndelip, ondaǵy ınfraqurylymdar men qyzmet kórsetý sapasy jaqsartyldy.

-Qazirgi tańda oblys ákimdiginiń týrızm basqarmasymen birlese otyryp is-sharalar uıymdastyrýdy turaqty túrde qolǵa alyp otyrmyz.

Toqtalyp ótetin bolsam, Almaty, Túrkistan jáne Jambyl oblystarynyń orta mektepteri men kolledjderinen 500-den asa oqýshylar men stýdentter qatysqan. «Taraz Jerine Taǵzym» atty jas týrıster festıvalin ótkizdik. Festıval aıasynda Taraz qalasynyń jáne jaqyn ornalasqan aýdandarynyń tarıhı-mádenı nysandary men kórikti jerlerine ekskýrsııalyq týrlar uıymdastyryldy,-deıdi S.Berikqoja.

Baqyt Jalǵas

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir