Samsung Coding Lab mektebiniń úzdikterine smartfon syılady

Samsung kompanııasy 2018-2019 oqý jylynyń qorytyndysy boıynsha Almaty Coding Lab baǵdarlamalyq mektebiniń úzdik ónertapqyshtary arasynda jeńimpazdardy anyqtady dep habarlaıdy Qamshy.kz aqparat agenttigi.

Qatysýshylar óz jumystaryn úsh bólim boıynsha qorǵady: áleýmettik qosymshalar, oıyndar jáne baǵdarlamalaý. Barlyǵy 14 joba tanystyryldy.

Jeńimpazdar: Erik Serikbaı – kómekke muqtaj jandardy ońaı tabýǵa kómektesetin  Komek qosymshasy, (áleýmettik qosymsha); Dmıtrıı Pavlov - Dig & Run (oıyndar); Denıs Motın  - tagal tiliniń sózdigi (baǵdarlamalaý). Olardyń árqaısysyna syılyqqa Galaxy A50 smartfondary berildi.

Qatysýshylar jasaǵan jobalardyń arasynda adamdardyń ómirin jaqsartýǵa arnalǵan qosymshalar óte kóp. Mysaly, qosymshalar arqyly dúkenderdiń baǵalaryn salystyra alasyń, shetel tilin tez meńgerýge bolady, UBT-ǵa tıimdi daıyndalýǵa bolady, elektrondy kitaptar oqı alasyń.

Stýdentterdiń jumysyn Samsung kommýnıkasııalyq kompanııasynyń  IT-sheshimderin ázirleýge jaýapty Cheil Kazakhstan shyǵarmashylyq agenttiginiń qyzmetkerleri baǵalady. Basty talap – tehnıkalyq oryndaý sheberligi, ınterfeıs jáne yńǵaılylyq.

Osylaısha, joǵarǵy synyp oqýshylary úshin 2017 jyly tegin Coding Lab baǵdarlamalaý mektebin ashqan Samsung kompanııasy 2018-2019 jylǵa arnalǵan kezekti toǵyz aılyq oqý jobasyn aıaqtady.

Coding Lab – baǵdarlamalaýdy úırenip, suranysqa ıe maman bolyp shyǵýǵa múmkindik beredi. Bul jerden Java tilinde baǵdarlamalaý, Android platformasynda qosymsha ázirleý, Java tiliniń qurylymy men derekterin baǵdarlamalaý, mobıldi qosymshalardyń  serverlik bóligin damytý negizderi, kompıýterlik grafıka negizderi jáne dızaıny syndy kóptegen kerekti maǵlumattardy úırenýge bolady.

Coding Lab bilim berý ortalyǵynda orta mektepterdiń jáne kolledjderdiń 14 jastan 18 jasqa deıingi kez kelgen oqýshysy oqı alady. Oqý merzimi qyrkúıekten bastalyp mamyr aıyna deıin jalǵasady. Oqý aptasyna eki ret 110 mınýttan Samsung kompanııasynyń Ál-Farabı atyndaǵy Qazaq ulttyq ýnıversıtetiniń Innovasııalyq akademııasynda ótedi. Jobaǵa qatysýshy barlyq ustazdar – joǵary bilikti mamandar. Oqýdyń tolyq kýrsynan ótken oqýshy arnaıy sertıfıkat alyp shyǵady. Jobaǵa irikteý kýrs aıaqtalǵansha júredi.

Daıyndaǵan: Marjan Sábet