• USD 468.56

  • EUR 497.56

  • RUB 7.3

  • CNY 67.18

28 Naýryz, 21:57:07
Almaty
+35°

31 Mamyr, 2019 Aımaqtar

Kógildir otynǵa qol jetkizetin kún alys emes

Elbasynyń «Bes áleýmettik bastamasy» bolashaqqa jasalǵan baǵdar ekeni daýsyz

 Elbasynyń  «Bes áleýmettik bastamasy» bolashaqqa jasalǵan baǵdar ekeni daýsyz. Ásirese,  «Eldi gazben qamtamasyz etýdi jalǵastyrý» baǵyty  turǵyndardy  gazben qamtamasyz etýmen qatar, shaǵyn jəne orta bıznestiń jańa óndiristerin ashýǵa óz yqpalyn tıgizýde.  

 «Elimizde gaz óndirý Táýelsizdik kezeńinde jylyna 8-den 52 mıllıard tekshemetrge deıin artty, ári qaraı da óse túsedi.  Qazir elimizdegi turǵyndardyń 50 prosentke jýyǵy gazben qamtamasyz etilgen.  9 oblysqa gaz tartylǵan. Degenmen, ortalyq jáne soltústik óńirler áli de gazsyz otyr. Bul jobany júzege asyrý ári qaraı ózge óńirlerdi de gazben qamtamasyz etýge múmkindik beredi» - dep Ult kóshbasshysy naqty ustanymyn aıqyndaǵan-dy.
        Gaz salasyn damytý baǵytynda Jambyl oblysynda 377 eldi meken bar. Onyń ishinde qazirgi tańda gazdandyrylǵany 181, nemese 48 paıyzy. 2019-2027 jyldary 196 eldi mekendi gazdandyrý josparlanýda, nátıjesinde 377 eldi meken gazdandyrylyp, úlesi 100 paıyzǵa jetkizilmek.

     2008 jyly oblys boıynsha 48 eldi meken taýarlyq gaz tutynǵan bolsa, 2019 jyldyń 1 qańtarynda 181-dy qurady. Demek, sońǵy 10 jyl ishinde 133 eldi meken gazdandyrylǵan.

     Gazdandyrylmaǵan 196 eldi meken máselesin sheshý maqsatynda, 2019 jyldan bastap, úsh jylda bólip qarjylandyrý úshin, Energetıka Mınıstrligine eldi mekenderge gaz keltiretin 11 joba daıyndalyp, bıýdjettik ótinim berilgen.

      Qurylys jumysyn 2019 jyly bastaý úshin oblystyq bıýdjetten Baızaq aýdanyna (21 e.m. halyq sany – 17 241 adam), respýblıkalyq bıýdjetten Shý aýdanyna (18 e.m. halyq sany – 22 130 adam), Jambyl aýdanyna (13 e.m. halyq sany – 12 631), Jýaly aýdanyna (15 e.m. halyq sany – 9 457 adam), Sarysý aýdanyna (14 e.m. – 39 539 adam), onyń ishinde Jańatas qalasyna qarjy bólinip, qurylys jumystary bastaldy.  Bul jumystardy 2021 jylǵa deıin aıaqtaý kózdelýde.

     Remı málimet boıynsha, 2019 jyly 9 eldi meken gazdandyrylmaq. Onyń ishinde Sarysý aýdanynyń 4 eldi mekeninde gaz taratatyn qubyr qurylysy aıaqtalǵan (Ábilda, Toǵyzkent, Maılykól, Dosbol). Sonymen qatar oblystyq bıýdjetten bólingen qarjyǵa Talas aýdanynyń 5 eldi mekenine aýyl ishinde gaz taratatyn qubyr qurylysyn júrgizip (Bóltirik sheshen, Kóshek batyr, Úsharal, Aral, Qaıyr), gazdandyrý júmystaryn jyl sońyna deıin aıaqtaý josparlanyp otyr (halyq sany 6 035 adam).

   Iаǵnı, álıeatalyqtardyń kógildir otynǵa qol jetkizip, rahatyn kóretin kúni alys emes.

Jaıdar Azamat

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir