• USD 378.65
  • EUR 430.07
  • RUB 6
  • CNY 55.1
21 Tamyz, 07:16:46
Alpınısterdiń naqty qaı jerde ekeni áli belgisiz

31 Mamyr, 2019 Densaýlyq

Isine salǵyrt qaraǵan terapevt balanyń omyrtqasyn syndyrǵan (vıdeo)

7 aılyq ulyn emdetý úshin jeke manýaldy dárigerdiń qabyldaýyna jazylǵan...

Pavlodarlyq balaqaı bir jyldan astam ýaqyt jansaqtaý bóliminde jatyr. Aýrýhanaǵa sábı manýaldy terapevtiń qabyldaýynan keıin túsken dep habarlaıdy Qamshy.kz aqparat agenttigi Eýrazııa birinshi arnasyna silteme jasap. 

Naqtyraq aıtsaq 2 jastaǵy Kárim Táńirbergenov 475 kúnnen beri ómir men ólimniń arasynda jatyr. Terapevt maman balanyń omyrtqasyna zaqym keltirgen.

Sońǵy bir jarym jyldan beri Pavlodar qalasynyń turǵyny Gúlmıra Janaıdarova óz perzentin aman alyp qalý úshin kúresip keledi. Ol ulynyń 7 aılyq kezinde emdetý úshin jeke manýaldy dárigerdiń qabyldaýyna jazylǵan. 

–Ol balamdy qarap shyǵyp, moıyn bóliginde týa bitken jaraqat bar dedi. Kárimdi qolyna alyp óziniń em-domyn júrgize bastady. Ýqalaý kezinde balamnyń denesiniń qatty sytyry estildi. Sol emnen keıin, perzentimniń jaǵdaıy birte-birte nasharlap, jansaqtaý bóliminen bir -aq shyqtyq, - dedi anasy Gúlmıra Janaıdarova.

Balany muqııat tekserýden ótkizgen aq halattylar 7 aılyq Kárimniń jelke bóligindegi eki omyrtqanyń usaqtalyp synǵanyn, ári qatpaǵan súıek ornynan jyljyp ketkenin anyqtaǵan. Muny kórgen dárigerler balaqaıdyń mundaı dárejege qalaı jetkenine tań qalyp otyr. Olar jaǵdaıy sát saıyn nasharlaǵan búldirshindi dereý jansaqtaý bólimine jatqyzǵan. Jasandy aýa jetkizgish qurylǵymen demalyp jatqan búldirshin 16 aıdan beri ólimmen kúresip keledi.

–Jaǵdaıynyń nasharlaýy - bul zańdy qubylys. Sebebi, balanyń jaǵdaıy kúnnen-kúnge ózgerip otyrady. Sondyqtan, búldirshinge shuǵyl túrde ota jasaý qajet. Bul onyń ómir súrýine berilip otyrǵan sońǵy múmkindik, - deıdi Oblystyq balalar aýrýhanasy basshysynyń orynbasary Irına Orsagosh. 

Ata-anasynyń úmitin oıatqan kúrdeli otany jasaýǵa reseılik mamandar nıetti bolyp otyr. Biraq, Kárimniń densaýlyǵy nashar bolýyna baılanysty, ony uzaq ýaqyt qaladan shyǵarýǵa múmkindik bolmapty. Tek, búgin dárigerler sanıtarlyq avıasııamen balaqaıdy elordalyq neırohırýrgııa ortalyǵyna jetkizdi. Boljam boıynsha sol jerde ota jasalady eken. Al, sábıdi mundaı jaǵdaıǵa túsirgen terapevt áli bostandyqta júr.

–Qazirgi tańda polısııa qyzmetkerlerimen qylmystyq kodekstiń 317-babymen sotqa deıingi tergeý júrizilýde. Tergeý barysynda qosymsha saraptamalar taǵaıyndaldy. Olardyń nátıjeleri boıynsha prosessýaldyq sheshim qabyldanady, - dep málimdedi Oblystyq polısııa departamentiniń baspasóz hatshysy Alma Musabekova. 

Qolda bar aqparatqa súıensek, Ekibastuz qalasyndaǵy qonaq úılerdiń birinde qabyldaý júrgizgen maman óz jumysyn Qazaqstannyń basqa da óńirlerinde jalǵastyryp júr.

Usynǵan: Marjan Sábet

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir