• USD 378.65
  • EUR 430.07
  • RUB 6
  • CNY 55.1
21 Tamyz, 22:47:11
Senim údesinen shyqqan bank

31 Mamyr, 2019 NEWS

Almatyda 1931-1933 jylǵy asharshylyq qurbandaryn eske aldy

Almatyda 1931-1933 jylǵy asharshylyq qurbandary ulyqtaldy

Eki jyl buryn Tuńǵysh Prezıdent Nursultan Nazarbaevtyń tapsyrmasy boıynsha Almatynyń ortalyǵynda asharshylyq qurbandaryna eskertkish ashylyp, onda qazaq halqynyń aýyr qaıǵysy ábden álsiregen balasyn keýdesine qysqan ana beınesi arqyly kórsetilgen edi. Búgin almatylyqtar Qaraǵaıly skverine kelip, 1931-1933 jylǵy asharshylyq qurbandaryna taǵzym etip, eskertkishke gúl shoqtaryn qoıdy.

Almaty ákimi Baýyrjan Baıbek el tarıhyna kóz júgirtsek, ult basyna kún týǵan aýyr da almaǵaıyp kezeńderdiń az bolmaǵanyn, biraq qazaq halqynyń bolashaqqa degen úmiti men senimin eshqashan joǵaltpaǵanyn atap ótti.asharshylyq

–Biz Elbasy aıtqandaı, tarıhqa jiti kózben qarap, ótkendi umytpaýymyz osyndaı náýbettiń qaıtalanbaýy úshin qajet. Halyqtyń qasiretti kezeńderi ərdaıym eldiń jadynda bolýy tıis. Bul rette tutas ultty joıyp jibere jazdaǵan asharshylyq eshqashan umytylmaq emes. Búgingi Qazaqstan - halyqtyń birligi men kelisimin jáne beıbit ómirdi baǵa jetpes qundylyqqa baǵalaǵan el. Halyq aıtpaqshy, «jumyla kótergen júk jeńil». Mundaı náýbet eshqashan qaıtalanbasyn. Qashan da elimizdiń irgesi berik, bolashaǵy jarqyn bolsyn, - dep atap ótti Baýyrjan Baıbek.

Qazaqstanda 1918-1933 jyldar aralyǵynda túrli málimetter boıynsha úsh mıllıonnan astam adam qaza tapqan, onyń ishinde 1931-1933 jyldary 1,7 mıllıon adam kóz jumǵan. 100 myńnan astam qazaqstandyq 1937-1938 jyldarǵy repressııa qurbany bolǵan. 1997 jyly Qazaqstan Respýblıkasynyń Tuńǵysh Prezıdentiniń Jarlyǵymen 31 mamyr Saıası quǵyn-súrgin qurbandaryn eske alý kúni bolyp jarııalandy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir