• USD 468.56

  • EUR 497.56

  • RUB 7.3

  • CNY 67.18

29 Naýryz, 19:14:34
Almaty
+35°

30 Mamyr, 2019 Aımaqtar

Jambyl oblysy 100 paıyz gazben qamtylady

Oblys ortalyǵynan bólek, aýdan, aýyl turǵyndaryn da gazben qamtý turaqty jalǵasyp keledi.

  Elbasy Nursultan Nazarbaev Qazaqstan halqynyń áleýmettik jaǵdaıyn jaqsartý maqsatynda jarııalaǵan «Prezıdenttiń bes áleýmettik bastamasy» atty halyqqa Úndeýinde túrli salalarǵa baılanysty naqty bes bastama usynyp, ony oryndaýdy tıisti basshylarǵa tapsyrǵan bolatyn. sonymen qatar, Nursultan Ábishuly besinshi bastamada elimiz úshin mańyzdy salalardyń biri – eldi gazben qamtamasyz etý jaıyn aıtqan bolatyn. Osy oraıda Prezıdent tapsyrmasyna sáıkes, Jambyl oblysynda turǵyndardy kógildir otynmen qamtý deńgeıi artty. Oblys ortalyǵynan bólek, aýdan, aýyl turǵyndaryn da gazben qamtý turaqty jalǵasyp keledi.

  Jambyl oblysy ákimdiginiń málimetinshe, búginde oblystaǵy 377 eldimekenniń 48 paıyzy gazdandyrylǵan. Bul respýblıkadaǵy ózge óńirlermen salystyrǵanda anaǵurlym joǵary kórsetkish. Jambyl oblysynyń ákimi Asqar Myrzahmetovtiń tikeleı tapsyrmasyna sáıkes, oblys turǵyndaryn tıimdi jolmen kógildir otynmen qamtamasyz etý jumystary áli dejalǵasyn taýyp keledi. Jambyl óńirinde 2019-2027 jyldary qosymsha 196 eldi mekendi gazdandyrý josparlanýda. Iаǵnı, basym baǵytty strategııalyq maqsattar kózdelgen 2030 jylǵa qaraı Jambyl oblysy 100 paıyz kógildir otynmen qamtylatyn bolady.

  Aıta keteıik, 2017 jyly Jambyl oblysynyń bıýdjetinen atalǵan maqsatqa 525 mıllıon teńge bólinip, 43 524 mıllıon teńgeni quraıtyn 11 jobalyq smetalyq qujattar daıyndalǵan. Atalǵan jumystardyń barlyǵy da oblys turǵyndaryn kógildir otynmen qamtý maqsatynda aıtarlyqtaı jumystardyń atqarylyp jatqanyn kórsetedi.

  Elbasy «Prezıdenttiń bes áleýmettik bastamasy» atty Úndeýiniń besinshi bastamasynda elimizdi odan ári gazben qamtý boıynsha Ortalyq jáne Soltústik Qazaqstanǵa jańa gaz qubyryn tartý jobasy bastaý alatynyn aıtqan edi. Buǵan qosa, Elbasy bes bas­ta­many iske asyrý úshin qan­sha qarajat jumsalatynyn málimdegen edi. «Týrasyn aıtqanda, munyń bári memleket úshin arzanǵa tús­peı­di. Bes áleýmettik bastamany júzege asyrý úshin jalpy 2,6 trıllıon teńgeden astam qar­jy bólýdi josparlap otyrmyz. Bul – óte úlken qarajat, biz­diń adamdarymyzǵa, olardyń bola­sha­ǵyna baǵyttalǵan tikeleı ın­vestısııa. Mundaı áleýmettik saıasat jalǵasa beredi», degen bolatyn Elbasy. Memlekettiń berip otyrǵan bul múmkindigi Jambyl oblysy turǵyndarynyń da ıgiligine ortaq.

Dýlat Aıtbaı

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir