Jambylda kólemi 49,0 mıllıon tekshemetrdi quraıtyn 3 sý qoımasy salynady

Jambyl oblysynyń ákimi Asqar Myrzahmetovtiń tapsyrmasy boıynsha oblys aýmaǵyndaǵy sýarmaly jerlerdi ulǵaıtýdyń múmkindikteri jan-jaqty qarastyrylýda. Jambyl oblysynyń sýarmaly jer kólemi 1991 jyly 209,1 myń gektardy qurasa, 2018 jyly sýarmaly jerdiń kólemi 182,4 myń gektardy qurady. Osy alqaptyń 93,6 myń gektary naqty sýarylǵan bolsa,  88,8 myń gektar sýarmaly jerlerine sý jetispeıtini anyqtaldy. Sol sebepten, uzyndyǵy 3755 shaqyrymdy quraıtyn 485 sý sharýashylyǵy júıeleri, 1903 gıdrotehnıkalyq qurylymdar respýblıkalyq bıýdjetten, Eýropalyq jáne Azııalyq Damý Bankteriniń nesıeleri arqyly «Qazaqstannyń agroónerkásip keshenin 2017-2021 jyldary damytý baǵdarlamasy» aıasynda bólinetin 42,1 mıllıard teńgege qaıta qalpyna keltirý jumystary júrgiziledi. «Qazaqstannyń agroónerkásip keshenin 2017-2021 jyldary damytý baǵdarlamasyn» júzege asyrý maqsatynda oblystyń kommýnaldyq menshigindegi 283 sý sharýashylyǵy júıeleri (kanaldar) 2015-2018 jyldary respýblıkalyq menshikke ótkizildi. Al, 2019 jyly oblystyń aýdandarynda qalǵan 202 kommýnaldyq menshikte ishki sharýashylyq sý júıelerin respýblıkalyq menshikke ótkizýdi aıaqtaıdy.

  Sonymen qatar, atalǵan memlekettik baǵdarlama aıasynda kólemi 49,0  mıllıon tekshemetrdi quraıtyn 3 sý qoımalar salý josparlanýda. Olar Qordaı aýdanyndaǵy Yrǵaıty ózeninde «Yrǵaıty» sý qoımasy                (19,0 mln.m3,) jáne Qalǵutty ózeninde «Qalǵutty» sý qoımasyn (15,0 mln.m3), Baızaq aýdanyndaǵy Talas ózeninde «Aqmola» sý qoımasyn (15,0 mln.m3) salý bolyp tabylady. Jalpy quny 6 mıllıard teńgeni quraıtyn 3 jańa sý qoımalary salynsa, paıdalanýdaǵy 34,5 myń gektar sýarmaly jerdi sýmen qamtamasyz etý deńgeıi artady. Sonymen qatar, baǵdarlama aıasynda 2,7 mıllıard teńgeni quraıtyn 3 sý qoımalaryna qaıta jańǵyrtý jumystary aıaqtalsa, 29,8 myń gektar sýarmaly jerdi sýmen qamtamasyz etýge bolady. Olar «Qaraqońyz» sý qoımasynyń (jınaý kólemi 8,5 mln.m3 den 18,5 mln.m3 deıin) sýarmaly jerleri 6,0 myń gektar, «Tasótkel» sý qoımasynyń (450 mln.m3 den 620 mln.m3 deıin) sý qoımasynyń sýarmaly jerleri 20,0 myń gektar, «Yntaly» sý qoımasynyń jóndeý jumystary aıaqtalsa 3,8 myń gektar jer  tolyǵymen sýǵarylady. Sóıtip, barlyǵy 64,3 myń gektar sýarmaly jer sýmen qamtamasyz etiletin bolady.

  Odan bólek, «Talas-Asa» KMK mehanıkalyq otrıady arqyly oblystyń kommýnaldyq menshigindegi 13 myń gektar sýarmaly alqaptaǵy sý sharýashylyǵy júıeleri jáne syıymdylyǵy 1 mıllıon tekshemetrden asatyn oblystyǵy 21 sý qoımalarynan shyǵatyn sý júıeleri 5 myń gektar sýarmaly jerler qalpyna keltirilip, aınalymǵa qosylady. Oblystyń bıýdjetinen qarastyrylǵan qarjyǵa jańadan salynatyn jáne qalpyna keltiriletin, barlyǵynyń syıymdylyǵy 17,9 mıllıon tekshe metrdi quraıtyn 20 kishi sý qoımalary paıdalanýǵa berilip, 4 myń gektar sýarmaly egistik jer aınalymǵa qosylady. Burynǵy Keńes odaǵy ydyraǵan kezde jaıylymǵa aýysyp ketken 17,1 myń ga sýarmaly jerler aldaǵy 3-4 jylda aınalymǵa qosylady. Odan basqa, qosymsha sýarmaly alqapqa bosalqy jerlerden 4,7 myń gektar sýarmaly alqap qosylyp, nátıjesinde jospar boıynsha 2019-2021 jyldar aralyǵynda barlyǵy 25,8 myń gektar sýarmaly alqaptar aınalymǵa qosylady. Sóıtip, oblys boıynsha sýarmaly jerler 210,6 myń gektarǵa jetkiziletin bolady. «Talas-Asa» KMK kásipornyna 2019 jyly jalpy somasy 234,1 mıllıon teńgege uzyndyǵy 63,2 shaqyrym 14 kanaldardy tazalaý, jóndeý jáne ózenderdiń jaǵalaýlaryn nyǵaıtý jumystaryn júrgizýge 6 aýdannan tapsyrystar túsken. Osy jumystar atqarylǵan jaǵdaıda kólemi 8631 gektardy quraıtyn sýarmaly alqap qalpyna keltiriletin bolady.

Dýlat Aıtbaı