• USD 378.65
  • EUR 430.07
  • RUB 6
  • CNY 55.1
22 Tamyz, 07:39:51
Senim údesinen shyqqan bank

30 Mamyr, 2019 Aımaqtar

QMG basshysy Mańǵystaý oblysyndaǵy ulttyq kompanııanyń kásiporyndaryn aralady

QMG basshysy Mańǵystaý oblysyndaǵy ulttyq kompanııanyń kásiporyndaryn aralady

 «QazMunaıGaz» UK AQ Basqarma tóraǵasy Alık Aıdarbaev Mańǵystaý oblysyndaǵy QMG kompanııalar tobynyń birqatar óndiristik kásiporyndaryna bardy.

Jumys saparynyń alǵashqy kúni Alık Aıdarbaev «О́zenmunaıgaz» AQ-ǵa qarasty Uńǵymalarǵa qyzmet kórsetý basqarmasynyń ınjenerlik-tehnıkalyq personalyna arnalǵan ákimshilik ǵımarat qurylysynyń barysymen tanysty. Burynǵy 1972 jyly salynǵan ǵımarattyń tozyǵy jetip, qazirgi zaman talaptaryna sáıkes kelmeıdi. Nysannyń qurylysy О́MG qyzmetkerleriniń eńbek etý jaǵdaılaryn jaqsartý jónindegi jospardyń bir bóligi bolyp tabylady.

Budan keıin ulttyq kompanııanyń basshysy kólemi 20000 m3 bolatyn TBR-7 aǵyndy sýdy tundyrý rezervýarynyń qurylys alańyn kórdi. Onyń paıdalanýǵa berilýi 2019 jyldyń shilde aıynyń sońyna josparlanǵan. Rezervýar óndiristik prosestiń tıimdiligin arttyrýǵa múmkindik beredi, onyń ishinde aǵyndy sýdy daıyndaý sapasyn jaqsartady, tundyrý ýaqytyn uzartady jáne mehanıkalyq qospalardyń mólsherin azaıtady.

Basqarma tóraǵasy «Qazaq gaz óńdeý zaýyty» JShS, sondaı-aq «Mańǵystaýmunaıgaz» AQ-ǵa baryp, óńirdegi QMG tobyndaǵy barlyq enshiles jáne munaı servısteri kásiporyndarynyń basshylarymen jınalys ótkizdi. «QazMunaıGaz» AQ Basqarma tóraǵasy áleýmettik turaqtylyq jáne ónerkásiptik qaýipsizdik, eńbekti qorǵaý erejeleriniń saqtalýy máselelerine jete nazar aýdardy. Enshiles kompanııalardyń barlyq basshylaryna osy baǵyttaǵy jumysty kúsheıtip, ujymdarda túsindirý jumystaryn turaqty túrde júrgizýdi tapsyrdy.

«QMG-da qaýipsizdik boıynsha birqatar erejeler, rásimder men standarttar ázirlendi jáne engizildi. Aýqymdy jumys atqaryldy, biraq bunyń barlyǵy jetkiliksiz. Biz qaýipsizdik qundylyǵy ujymymyzdyń árbir deńgeıinde engizilip, QMG nysandarynda eńbek etetin árbir adamnyń ajyramas bóligi bolyp tabylatyn qaýipsiz eńbek etý mádenıetine jetý úshin bar yntamyzben jumys jasaýdy jalǵastyratyn bolamyz», – dedi A. Aıdarbaev.

Sondaı-aq, «Qarajanbasmunaı» AQ men «Mańǵystaýmunaıgaz» AQ-nyń óndiristik jáne áleýmettik nysandaryn aralap kórdi.

Qarajanbas ken ornynda QMG basshysy quny 21 mlrd teńgeden asatyn sý tushytý zaýyt qurylysynyń jobasymen tanysty. Atalǵan zaýyt osy jyldyń jeltoqsan aıynda paıdalanýǵa beriledi dep josparlanyp otyr. Ol kásiporynǵa jeke óndiristik qajettilikter úshin sýdy tushylandyrýǵa, tutynyp otyrǵan Edildiń sý kólemin óńirdi damytýǵa qosymsha paıdalaný úshin múmkindik beriledi.

Budan keıin Alık Aıdarbaev Qalamqas ken ornyndaǵy №8237 apattyq uńǵymany joıý jónindegi jumys barysyn qadaǵalap, munaı daıyndaý qondyrǵysynyń qurylysyn, sondaı-aq jańǵyrtý jáne kúrdeli jóndeý jumystary júrip jatqan ashanalardy aralady.

Barlyq nysandarda eńbek ujymdarynda kezdesý ótip, ol jıyndarda A. Aıdarbaev qyzmetkerlerdiń barlyq usynys-tilekterin muqııat tyńdap, tolǵandyrǵan suraqtaryna jaýap berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir