• USD 378.65
  • EUR 430.07
  • RUB 6
  • CNY 55.1
21 Tamyz, 11:32:38
Alpınısterdiń naqty qaı jerde ekeni áli belgisiz

31 Mamyr, 2019 NEWS

Áskerge on eki múshesi saý bolyp attanyp, jarymjan bolyp oraldy (vıdeo)

Qaraǵandydaǵy áskerı bólimde sarbazdardyń biri qolyna avtomat alyp, tún jarymynda óz qatarlastaryna oq jaýdyrmaq bolady

Qaraǵandydaǵy bólimde bolǵan atystan Amandyq Qalıevtyń aıaǵy semip qalǵan. Oq tıgen eti men tamyrlaryn dárigerler sylyp alypty. Endi múgedektik alýǵa qujattyń túpnusqasynyń bolmaýy qolbaılaý. Sebebi áskerı bólimdegiler komıssııaǵa kerek derekterdi bermek túgili, qarýly shabýyl jaıynda aıtýǵa tyıym saldy deıdi Amandyqtyń anasy. Al ofıserler atysqa qatysty úkimniń áli kúshine enbegenin alǵa tartty dep habarlaıdy Qamshy.kz aqparat agenttigi KTK telearnasyna silteme jasaı otyryp.

21 jastaǵy Amandyq Qalıevtyń oń aıaǵynyń dymy qalmaǵan. Oq tıgen etin sylyp alyp, qý súıegi tur. Segiz aı buryn áskerı bólimde bolǵan atystan ózi qatty shoshynǵan. Kúızelisten áreń shyǵyp, kópshilikpen sóılesýge de qulqy joq. Saý balasynyń áskerden jarymjan bolyp oralǵanyna anasy kúıinedi.

Kúlán Qalıeva, A. Qalıevtyń anasy:

"Bir jylǵa jibergenimde mine, balamdy múgedek qylyp alyp keldi. Endi qaıda jumys isteıdi? Búkil ómiri oıran boldy.",- deıdi.

Byltyr qyrkúıek aıynda Qaraǵandydaǵy áskerı bólimde sarbazdardyń biri qolyna avtomat alyp, tún jarymynda óz qatarlastaryna oq jaýdyrmaq bolady. Ofıserlerin qýalap júrip, óltirýdi kózdeıdi. Biraq jaýynger Amandyq Qalıev onyń qolyna jabysyp, sarbazdan qarýyn tartyp almaq bolǵan. Sol kezde óziniń aıaǵyna oq tıip, qoly kúıgen. Al qalǵan áskerıler oqtan aman qalady. Biraq bólim basshylary "Amandyq abaısyzda aıaǵyn atyp aldy" dep habar taratyp, "oqıǵany jasyrmaq bolǵan" deıdi sarbazdyń anasy.

Kúlán Qalıeva:

"Talabym balamnyń shyndyǵyn elge aıtsyn, qalaı bolǵanyn. Ofıserleriniń búkil vzvodtyń janyn qorǵap qalǵanyn aıtsyn. Iá, raqmetin de aıtqan joq. Iá, keshirim de suraǵan joq."

Byltyr qatarlastaryna qarý ala júgirgen sarbaz segiz jylǵa sottaldy. Al áskerı bólim basshylary sol oqıǵaǵa qatysty áli kúnge tis jarǵysy joq.

Talǵat Ábdirov, №52859 áskerı bólim komandıri:

"Qalıev bizdiń áskerı bólimde boryshyn ótedi. Byltyrǵy oqıǵaǵa qatysty sottyń úkimi shyqqanymen, ol kúshine engen joq. Odan bólek ekinshi satyda is qaralatyn bolady. Sondyqtan biz eshteńe aıta almaımyz."

Qazir Amandyq Qalıev múgedektikke qujat daıyndap júr. Biraq komıssııa ony qabyldar emes. Sebebi Qaraǵandydaǵy áskerı bólim onyń qaıda em alyp, aýrýhanadan qashan shyqqany, jaraqatyna qatysty ózge de qujattardyń túpnusqasyn bermeı qoıypty. Áskerılerdiń mundaı qylyǵyna sarbazdyń týystary ashynyp otyr.

Usynǵan: Bek Baıtas

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir