• USD 468.56

  • EUR 497.56

  • RUB 7.3

  • CNY 67.18

28 Naýryz, 15:07:04
Almaty
+35°

31 Mamyr, 2019 Aımaqtar

Jambyldyq jastarǵa jasalǵan jaǵymdy jańalyq

Prezıdent jyl saıynǵy dástúrli Joldaýlarynda jastar saıasatyn jetildirý boıynsha irgeli tapsyrmalar

 «El erteńi – jastar». Búginde bul ómirsheńdigin joımaıtyn qaǵıdatqa aınaldy. Árıne, memleketimizdiń keleshegi búgingi jas býyn ekeni belgili. Elbasy da  sońǵy Joldaýynda: «Jastar men otbasy ınstıtýtyn keshendi qoldaý – memlekettik saıasatynyń basymdylyǵyna aınalýy tıis. Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek», - dep  basa aıtýy da tekten-tek emes. 

Prezıdent jyl saıynǵy dástúrli Joldaýlarynda jastar saıasatyn jetildirý boıynsha irgeli tapsyrmalar berip júrgeni barshaǵa málim. Sebebi jastar qoǵamnyń bir bóligi retinde memlekette mańyzdy ról atqarady. Jastardy jumyspen qamtý máselesi elimizde basty nazardaǵy ekeni anyq. Sol sebepti osy máseleni  joıý úshin elimizde «Dıplommen aýylǵa», «Bıznestiń jol kartasy», «Jumyspen qamtý-2020», «Árbir otbasyna «7-20-25» baǵdarlamasy aıasynda baspana alýdyń jańa múmkindikterin berý», «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý» syndy  baǵdarlamalar qolǵa alynyp, elimizdiń túkpir-túkpirinde júzege asyrylyp jatqany barshaǵa aıan.

Sonyń dáleli, bıyl Jambyl oblysynyń árbir aýdandarynda, jalyndy jastardyń kásipkerligin damytý, olardyń bıznes bastamalaryn qoldaý maqsatynda Jastar jylyna oraı kásip bastap, óziniń baǵytyn taýyp tabysty bolǵysy keletin azamattarǵa  qoldaý kórsetýdi qolǵa aldy. Bıyl aýyldaǵy jastardyń kásipker­likpen aınalysýyna ómiri men jumysyna qolaıly jaǵdaı jasalmaq.

Iá, aýyl – memlekettiń tiregi, ultjandylyq pen rýhanı kúshtiń qaınar kózi. Jas kásipkerlerdi qoldaý - el aýqymynda tıimdiligin kórsetken, tanymal «Bastaý» jobasy aıasynda 42 jasqa 505 myńnan 21 mıllıon 210 myń teńge  qaıtarymsyz grant jáne  oblystyq bıýdjetten 303 mıllıon teńgege  (ár jasqa  3 mln-ǵa deıin) grant bólingen bolatyn,  osyǵan oraı jergilikti jerde jobanyń maqsattaryn, mindetterin jáne qatysý sharttaryn túsindirý aıasynda B.Momyshuly aýyly ákimi apparatynyń májilis zalynda «Jastar resýrstyq ortalyǵy» mekemesiniń uıymdastyrýymen "Jas kásipker" atty Jýaly aýdannyń 18-29 jas aralyǵyndaǵy jastarymen kezdesýi ótti. Atalǵan sharaǵa aýdan ákimdigi kásipkerlik bóliminiń basshysy T.Ámiralıev, "Jastar resýrstyq ortalyǵy" mekemesiniń dırektory J.Myrzalıev, ınovasııa tartý jáne ınvestorlarǵa qyzmet kórsetý ortalyǵynyń basshysy N.Myrzataev, aýdandyq kásipkerler palatasynyń "Bastaý" kýrsy boıynsha úılestirýshi mamany R.Aıtbaev, "Jumyspen qamtý ortalyǵy" mekemesiniń jastarǵa arnalǵan qaıtarymsyz granttar boıynsha jumys jasaıtyn mamany E.Suramysov jáne kásip ashýǵa nıetti jastar qatysty. Sharada jastarǵa arnalǵan qaıtarymsyz 3 mıllıonǵa deıin granttar boıynsha tolyqqandy túsindirý jumystary júrgizilip, jastar kókeıinde júrgen suraqtaryna  jaýap berildi.

3 mıllıon teńgege  deıingi  grant boıynsha qujattardy qabyldaý  aýdandyq kásipkerlik bóliminde jalǵasyn taýyp, 6 maýsymǵa deıin ýaqyt belgilenip otyr.

42 jasqa 505 myńnan qaıtarymsyz grant boıynsha jumyspen qamtý ortalyǵyna aǵymdaǵy jyldyń qyrkúıek aıyna deıin júrgiziletin bolady.

Osylaısha jýalylyq jastar memlekettik qoldaýdyń sharapatyn kórip, qaıtarymsyz grantqa qol jetkizýde. Bul qos qoldap qoldaýǵa turarlyq tirlik.

Jaıdar Azamat

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir