• USD 378.65
  • EUR 430.07
  • RUB 6
  • CNY 55.1
26 Tamyz, 05:20:17
Qoryqshylardyń materıaldyq-tehnıkalyq bazasy kúsheıtiledi

29 Mamyr, 2019 Aımaqtar

Respýblıkalyq qoǵamdyq shtab músheleri Taraz qalasynda boldy

Qýanysh Sultanov bastaǵan azamattar Q.Toqaevtyń saılaýaldy baǵdarlamasymen tanystyrdy.

Qazaqstan Respýblıkasynyń Prezıdenttigine kandıdat Qasym-Jomart Toqaevtyń respýblıkalyq qoǵamdyq shtabynyń músheleri jumys saparymen Taraz qalasyna kelip, áýeli «Jastar» alleıasynda óńir jastarymen kezdesti. Kezdesýdi oblystyq qoǵamdyq shtab basshysy Shábden Tileýmurat júrgizdi.   Sodan keıin Jambyl oblysyna jumys saparymen kelgen shtab músheleri «Qazfosfat» jaýapkershiligi shekteýli seriktestiginiń mıneraldy tyńaıtqyshtar zaýytynda bolyp, jumysshylarǵa kandıdattyń saılaýaldy baǵdarlamasyn tanystyrdy. Kandıdattyń saılaýaldy baǵdarlamasynyń basymdyqtary týraly shtab tóraǵasy, Parlament Májilisiniń depýtaty Qýanysh Sultanov bastaǵan azamattar Q.Toqaevtyń saılaýaldy baǵdarlamasymen tanystyrdy.

  О́ńirge jumys sapary barysynda «Esikten esikke» aksııasy aıasynda respýblıkalyq qoǵamdyq shtab músheleri Taraz qalasyndaǵy «Astana» yqshamaýdanyndaǵy saılaýshylardyń úılerinde de boldy. Turǵyndarǵa QR Prezıdentigine kandıdat Qasym-Jomart Toqaevtyń saılaýaldy baǵdarlamasyn túsindirip, «Birge» jalpyhalyqtyq aksııasynyń búktemelerine usynystary men shaǵymdaryn jazýǵa bolatynyn jetkizdi. Al, «Halyqqa kómek» partııalyq jobasy aıasynda respýblıkalyq qoǵamdyq shtab músheleri «Nur Otan» partııasy Jambyl oblystyq fılıalynda qoǵamdyq qabyldaý uıymdastyrdy.

  Budan keıin respýblıkalyq qoǵamdyq shtab músheleri «Balasaǵun» ortalyq konsert zalynda ótken jıynǵa qatysty. О́z sózinde halyq qalaýlysy Qýanysh Sultanov  Qasym-Jomart Toqaevtyń saılaýaldy baǵdarlamasynyń ózektiligi ádildikte, sabaqtastyqta, órleýde ekenin aıtsa, aqyn, QR Memlekettik syılyǵynyń ıegeri Nurlan Orazalın Qasym-Jomart Kemelulynyń syrtqy jáne ishki saıasattyń mektebinen ótken azamat ekenin atap ótti. Sonymen qatar, Qazaqstannyń halyq artısi Altynbek Qorazbaev, Qazaqstannyń Eńbek Eri, Olımpıada chempıony Jaqsylyq Úshkempirov, Parlament Senatynyń ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Asqar Beısenbaev, telejúrgizýshi Dana Nurjigit, eńbek ardageri Aleksandr Savchenko sóz sóılep, Qasym-Jomart Kemelulynyń Elbasy Nursultan Nazarbaevtyń memleketti jańǵyrtýdaǵy saıasatyn ary qaraı sapaly jalǵastyratynyn atap ótti. Jıyn sońynda tanymal estrada juldyzy Altynaı Jorabaev án shyrqady.

Dýlat Aıtbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir