31 Mamyr, 2019 Ádebıet
Toqaev jarlyqqa qol qoıdy: Abaıdyń 175 jyldyǵy qalaı toılanady?
Abaıdyń 175 jyldyǵyn IýNESKO men TÚRKSOI (Halyqaralyq túrki mádenıeti uıymy) aıasynda toılaý máselesi pysyqtalýy tıis.
Qazaqstan prezıdenti Qasym-Jomart Toqaev Abaı Qunanbaıulynyń 175 jyldyq mereıtoıyn joǵary deńgeıde merekeleý týraly jarlyqqa qol qoıdy dep habarlaıdy Qamshy.kz aqparat agenttigi Aqorda saıtynda silteme jasap.
Qazaq halqynyń uly aqyny, aǵartýshysy Abaı Qunanbaıulynyń 175 jyldyǵy 2020 jyly ótedi.
Osyǵan baılanysty memleket basshysy úkimetke birqatar tapsyrma berdi.
Atap aıtqanda, bıyl 1 shildege deıin Abaı Qunanbaıulynyń 175 jyldyǵyn daıyndaý jáne ótkizý jónindegi memlekettik komıssııa qurylýy tıis. Al 1 qazanǵa deıin mereıtoıdyń jalpyrespýblıkalyq josparyn bekitý kerek.
Abaıdyń "Jıdebaı-Bórili" memlekettik tarıhı-mádenı jáne ádebı-memorıaldyq qoryq mýzeıin keshendi jańǵyrtý úshin tıisti sharalar qabyldaýdy tapsyrdy.
2020 jyly Nur-Sultan qalasynda Abaı Qunanbaıulynyń 175 jyldyq mereıtoıyna arnalǵan halyqaralyq ǵylymı-praktıkalyq konferensııa ótedi.
Toqaev Abaıdyń shyǵarmalarynyń keń taralǵan negizgi shet tilderindegi sapaly aýdarmasyn baspadan shyǵaryp, halyqaralyq deńgeıde nasıhattaýǵa tapsyrma berdi.
Sonymen qatar, Abaıdyń 175 jyldyǵyn IýNESKO men TÚRKSOI (Halyqaralyq túrki mádenıeti uıymy) aıasynda toılaý máselesi pysyqtalýy tıis.
Jarlyqtyń oryndalýyn baqylaý Qazaqstan prezıdentiniń ákimshiligine júkteldi. Qujat qol qoıylǵan kúninen bastap qoldanysqa enedi.
Usynǵan: Maqpal Sembaı
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir