Toqaevtyń tuńǵyshy týraly ne bilemiz?

Tımýr Toqaev 1984 jyly Máskeýde týǵan. Shveısarııadaǵy "Kolledj dıý Leman" jáne Vebster ýnıversıtetinde bilim aldy. Saıası ǵylymdar kandıdaty. Jenevada baǵasy 6500 shveısar frank turatyn óziniń jeke páteri bar.

О́tken jyldyń kúzinde Reseı óńirleriniń sheneýnikteri men depýtattarynyń zańǵa qaıshy áreketin zerttegen volenterlik antıkorrýpsııalyq “Pýtevodıtel po Jeneve” jobasy shyqty.

Joba aıasyndaǵy tekseriste Chemin Gilbert-Trolliet 3 meken-jaıy boıynsha Tımýr Toqaevtyń turatyndyǵy anyqtaldy. Tekseris barysynda Qazaqstan prezıdentiniń uly turatyn páter quny naqtylanbady. Biraq tekserýshi tarap munymen toqtamaı, Tımýrdyń kórshileriniń páter baǵasyn anyqtaǵan.

Sáýletti ári úlken úıdegi jalǵa berilgen páterlerdiń quny belgili bolǵan. 223 sharshymetr, 6 bólmesi bar páterge 6500 shveısar frankyn tóleý kerek. Páterdi silteme boıynsha kóre alasyz.

Qazirgi tańda, mundaı páter quny – 2,3 mıllıon frank turady. Tımýr Toqaevtyń kórshileriniń ishinde Semen Vınokýrov degen kisi tirkelgen. Ol – 2000 - jyldardyń basynda óz kásibin dóńgelentip alǵan azamat. Vınokýrov 1991 jyly Iosıf Kabzon men Shabtaı Kalmanovıch negizin qalaǵan “Lıat-Natalı” kompanııasynda jumys istedi. Bul kompanııa birneshe ret úlken korrýpsııalyq daýlarǵa baılanysty  FBR -diń kózine túsken. Al Kalymanyvıchti 2009 jyly Máskeýde óltirip ketti. Vınokýrovtyń balasy Aleksandr Reseıdiń SIM basshysy Lavrovtyń qyzy Ekaterınaǵa úılengen.

Tımýr Toqaevtyń ózi Shveısarııada oqyp, Jenavadaǵy páterinde turady. Biraq kóptegen ınsaıderlerdiń aıtýynsha, ol qazirgi taǵda Máskeýge qonystanyp, kásipkerlikpen aınalysyp júr.

2002 jyly kámelettik jasqa tolǵan Tımýr óziniń týysqany Muhammed Izbastınmen birge “Abı Petrolıým Kepıtal” munaı kompanııasynyń negizin qalady. Kompanııa lısenzııa alǵannan keıin olarǵa Almatyda ornalasqan SIM eski ǵımaraty berildi. Olar Atyraý oblysyndaǵy “Grıadovoe” munaı ken ornyn ózderine qaratqan. 2012 jylǵy esebinde atalǵan kásipten 3,2 mıllıard dollar tabys tapqany týraly málimet bar.

Jalǵyz munaı emes, Tımýr Toqaev –  “QazAgroFınans” atty kompanııanyń qojaıyny. Ol Qazaqstannyń aýylsharýashylyq lızıng qyzmeti boıynsha 68 paıyz úlesine ıelik etedi.

Qazirgi tańda, Toqaev prezıdent qyzmetin atqaryp júrgendikten, onyń jasyryn kásipkerligi týraly qyzyǵýshylyq artatyny sózsiz. Adal qyzmet jasap, eldiń múddesine jumys isteıtin azamat bolsyn deımiz, prezıdent ulyn.