Álı Bektaev: Nursultan Nazarbaev jalaqy almaıdy

Senator Álı Bektaev Nursultan Nazarbaevtyń qurmetti senator retinde qandaı basymdylyqqa ıe bolǵany jaıly aıtyp berdi dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Mindetteri men jeńildikteri qarastyrylmaǵan. Bul qoǵamdyq mártebesi bar ataq. Bul Tuńǵysh Prezıdnttiń Senat qabyrǵasyna sińirgen eren eńbegi. Meniń kózqarasymsha, bul jaǵdaı Senattyń dárejesin, depýtattardyń jaýapkershiligin arttyratyn sekildi. Sebebi qurmetti senator Elbasy kez-kelgen ýaqytta otyrystarǵa, qalaǵan kelisimsharttarǵa óz oıyn aıtyp, qatysa alady. Bul ózara tıimdi bolmaq",- deıdi Bektaev myrza.

Depýtattardyń sózine sensek, Nursultan Nazarbaev Senattyń daýys berý jobasyna qatysa almaıdy.

"Daýys berý quqyǵy berilmegen, tek óz oıyn ashyq jetkizip, qatysýǵa ruqsat etilgen. Bul qoǵamdyq bastamanyń isi bolǵandyqtan, jalaqy tólenbeıdi",- dep qosa ketti Álı Bektaev.

Nursultan Nazarbaevqa qurmetti senator ataǵy taǵaıyndaldy. Bul usynysty Qasym-Jomart Toqaev ulyqtaý rásimi kezinde engizdi. 29-mamyr kúni Nursultan Nazarbaev Joǵary Eýrazııalyq ekonomıkalyq keńestiń qurmetti tóraǵasy atandy. Usynysty Reseı Prezıdenti Vladımır Pýtın ortaǵa tastap, qalǵan jetekshi elder qoldaý kórsetti.

♦Nursultan Nazarbaev: "Vladımır Pýtınǵa rızashylyǵymdy bildiremin!"

Aýdarǵan: Bek Baıtas