30 Mamyr, 2019 Sport
Fýtbol: Eýropa lıgasynyń jeńimpazy anyqtaldy (vıdeo)
49-shy mınýtta esepti Olıve Jırý ashty. Al 60-shy mınýtta Pedro esepti eseledi.
Eýropa lıgasynyń fınalynda "Chelsı" fýtbolshylary "Arsenaldy" oısyrata jeńdi dep habarlaıdy Qamshy.kz aqparat agenttigi Vesti.kz-ke silteme jasap.
Londondyq klýbtardyń kezdesýi Baký qalasyndaǵy "Olımpııskıı" alańynda ótti. Oıyn 4:1 esebimen aıaqtaldy. Goldyń bári oıynnyń ekinshi kezeńinde salyndy.
Esepti 49-shy mınýtta Olıve Jırý ashty. Al 60-shy mınýtta Pedro taǵy bir gol salyp, esepti eseledi. Keıin Eden Azar penaltıdi oıdaǵydaı oryndaǵanymen, 69-shy mınýtta "Arsenal" oıynshysy Aleks Ivobı esep aıyrmasyn bir golǵa qysqartty. Biraq 72-shi mınýtta Azar oıyndaǵy ekinshi golyn soqty.
Eýropa lıgasynda "Chelsı" qurama komandasy ekinshi ret týrnırdiń jeńimpazy atandy. 2013 jyly olar portýgalııalyq "Benfıkany" jeńgen edi. Al "Arsenal" Eýropa lıgasynyń fınalynda osymen ekinshi ret jeńildi. Osy jeńilis úshin "Arsenal" Chempıondar lıgasyna qatysý joldamasynan aıyrylyp qaldy. Sebebi, komanda Ulybrıtanııa Premer-lıgasynda besinshi orynda turaqtady. "Arsenaldyń" ornyna Chempıondar lıgasyna fransııalyq "Lıon" qatysady.
Usynǵan: Maqpal Sembaı
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir