Sottalýshy sot úkimin estip, bir mınýttan soń sot ǵımaratynan qashyp ketti (vıdeo)

Qazan qalasynyń Novo-Savınovskıı aýdandyq sotynyń ǵımaratynan 29-mamyr kúni sottalýshy qashyp ketti. Ol shamamen 48 jastaǵy Irek Zıganshın esimdi azamat. Tústen keıin ol eldi shyǵynǵa ushyratqan alaıaqtyq is boıynsha sottaldy degen úkim shyqqan bolatyn. Sot zalynan qashý týraly aqparatty Tatarstan sotynyń baspasóz hatshysy Rezeda Gafıeva rastady dep jazady Qamshy.kz aqparat agenttigi Bıznes Online gazetine silteme bere otyryp.

Sot Zıganshınge 10 aı bas bostandyǵyn aıyrylý týraly úkim shyǵarǵan sátten bir mınýttan keıin, ol sot zalynan shyǵyp ketken. «Jaı ǵana shyqty da, ketti»,- deıdi derekkózder. Ne bolǵany týraly tolyq aqparat áli anyqtalmaǵan.

Qazirgi tańda Korolenko kóshesin baqylaıtyn polısııa qyzmetkerleri izdestirý sharalaryn júrgizip jatyr. Jaýapqa tartylýshy Zıganshın sot mekemesinen qashyp ketken kezde, ústinde kók kúrteshe jáne qara tústi sporttyq shalbar bolǵan.

Aýdarǵan: Bek Baıtas