Prezıdenttikke kandıdattardyń teledebaty aıaqtaldy (qysqasha sholý)

Búgin, keshki saǵat 18:00 de Habar arnasy Prezıdenttikke kandıdattardyń teledebatyn tikeleı efırge usyndy. Teledebatta Amangeldi Tasbıhov,  Danııa Espanovanyń orynyna Azat Perýashev, Ámirjan Qosanov, Jambyl Ahmetbek, Sádibek Túgel, Tóleýtaı Rahymbekovtyń atynan "Aýyl" partııasynyń basshysy Álı Bektaev, Qasym-Jomart Toqaevtyń ornyna Máýlen Áshimbaev boldy dep habarlaıdy Qamshy.kz aqparat agenttigi.

1-shi raýndta kandıdattar óziniń saılaýaldy baǵdarlamasyn tanystyrýǵa 1 mınýt 30 sekýnd qana berildi. Partııa músheleri kezek-kezek baǵdarlamalarymen tanystyryp bolǵan soń, bir-birine suraq qoıýǵa múmkindik aldy.

Suraq qoıýdyń erejesi: suraq qoıýshyǵa beriletin ýaqyt 20 sekýnd, jaýap berýshige beriletin ýaqyt 90 sekýnd. Bir partııa múshesine bas-aıaǵy eki suraq qoıylady.

Eń alǵashqy eki suraq «Nur Otan» partııasyna qoıyldy. Birinshi aınalymdaǵy saýaldy bastaǵan Amangeldi Tasbıhov. Qajetti jaýaptar ala-alǵan partııa músheleri basyn ızep razylyǵyn bildirip turdy. Máýlen Áshimbaevqa ekinshi suraqty qoıyp úlgergen Azat Perýashev. Ámirjan Qosanovtan kimge suraq qoıatynyn suraǵan kezde:

- Nur Otanǵa suraq qoıý shekteýi aıaqtalsa, janymdaǵy partııalarǵa qoıa bereıin,- dedi. Dál osyndaı qarqynmen pikirtalas qyzý túrde ótip jatyr.

Eń kóp suraqtar aýyl sharýashylyǵy tóńireginde boldy. Barlyq kandıdattar aýyl jaǵdaıyn elmen tanystyryp, saılaýshylardyń aýyldan bolatynyn alǵa tartty.

Suraqtyń ekinshi aınalymyn kerisinshe Máýlen Áshimbaev bastap Amangeldi Tasbıhov aıaqtady.

2-raýndty qaıtadan aldyńǵy aınalymdy sońǵy aıaqtaǵan Amangeldi myrza bastady. Bul aınalymda kandıdattar júrgizýshiler qoıǵan suraqtarǵa jaýa beretin bolady. Beriletin ýaqyt 90 sekýnd. Barlyq suraqqa jaýaptar alynyp bolyp, tikeleı efır jalǵasyn tapty. Ekinshi raýndty aıaqtaǵan taǵy da "Nur Otan" partııasynyń basshysy Máýlen Áshimbaev.

3-raýndta kandıdattar bir-birine degen jyly lebizin bildirip, qarsylastaryna sáttilik tiledi. Júrgizýshilerdiń qorytyndylaýymen aıaqtalǵan teledebattyń qyzyqty sátterin tolyq tarqatatyn bolamyz. Qandaı máseleler kóterildi, qandaı suraqtar qoıyldy, barlyǵymen bólisemiz.

Oqı otyryńyz:

♦Saılaýaldy debatta úmitkerler aýyldy jaqsartamyz dep ýáde etti 

"HHI ǵasyr kóshbasshysy" eken desem: Debatqa qatysty halyq ne deıdi

Daıyndaǵan: Bek Baıtas