• USD 378.65
  • EUR 430.07
  • RUB 6
  • CNY 55.1
21 Tamyz, 18:27:58
Bala quqyqtaryn qorǵaý - aldyńǵy orynda

29 Mamyr, 2019 NEWS

"Múgedektikke shyǵaryp beremin" dep birneshe adamnan qomaqty aqsha alǵan alaıaq ustaldy

Aýyldyń qarapaıym turǵyndarynan ol 130 000-170 000 teńge aralyǵynda aqsha alǵan

Maqtaaral aýdanynda "múgedektikke shyǵaryp beremin" degen jeleýmen birneshe adamnan aqsha alǵan alaıaq ustaldy, dep habarlaıdy Qamshy.kz aqparat agenttigi Almaty.tv saıtyna silteme jasaı otyryp.

Tergeý barysynda kúdiktiniń Maqtaaral turǵynynyń úıine qonaqqa barǵanda onyń uly ortalyq aýrýhananyń esebinde turatynyn bilip, "múgedektikke shyǵaryp beremin" dep aldap, qujattarymen birge 140 000 teńge aqshasyn alyp ketkeni anyqtaldy. Atalǵan is boıynsha tekserý barysynda jábirlenýshiniń jalǵyz bul ǵana emes, kúdiktiniń týra osyndaı ýádemen taǵy birneshe adamnan birde 130 000 teńge, kelesi birinde 170 000 teńgeden alyp otyrǵany belgili boldy.

Atalǵan jaıttar boıynsha QR QK-niń 190-babymen sotqa deıingi tergep-tekserý jumystary júrgizilgen. Aýdandyq polısııa qyzmetkerleriniń 3 birdeı jábirlenýshiniń aryzyna qatysty shuǵyl áreket etkeniniń arqasynda, bir apta kóleminde kúdikti qolǵa túsken. Alaıda, alaıaqtyqpen aınalysqan azamat 3 jábirlenýshige de keltirgen shyǵynyn tolyq ótep, aryzdanýshylardyń keshirýine baılanysty, qylmystyq is toqtatylǵan.

Qylmystyq isti tergeý barysynda belgili bolǵany, alaıaqtyqqa jergilikti turǵyndardyń zamanǵa saı damyǵan tehnıkanyń tilin tolyq bilmegeni, jaqsy tanymaıtyn adamǵa sene salǵany jol bergen.  

Sondyqtan, Túrkistan oblysy polıseıleri turǵyndarǵa alaıaqtardyń arbaýyna ermeı, kez-kelgen máseleni zań júzinde sheshýdi eskertedi. Egerde osyndaı alaıaqtardyń qylmysyna kýá nemese qurbany bolsańyz, "102" shuǵyl nómirine habar berińizder, óıtkeni der kezinde berilgen aqparat qylmystyń tez ashylýyna yqpal etedi deıdi olar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir