Gelendvagen taqymdaǵan bolashaq ofıserler el ishin shýlatty(vıdeo)

Gelendvagen taqymdaǵan bolashaq ofıserlerdiń áreketi daýǵa ulasty, dep habarlaıdy Qamshy.kz aqparat agenttigi KTK telearnasyna silteme jasap.

Áskerı mektepten vıp-kortejben shyqqan túlekterdiń vıdeosy áleýmettik jelide taralyp jatyr. Onda jas áskerılerdiń qandaı áreket jasaǵany kórinip tur.

Bolashaq ofıserler osylaısha Gelendvagen tizgindegen. Belgili bolǵanyndaı, qymbat kortej jaldaǵandar Almatydaǵy Baýyrjan Momyshuly atyndaǵy Jas Ulan áskerı mektebiniń bıylǵy túlekteri eken. Kortejde naqty neshe kólik bolǵany belgisiz. Uzyn-sonar kólikter tizbegin aq tústi Hammer bastaǵan. Áskerı forma kıip, qydyrýǵa shyqqan túlekter qymbat kólikterdiń terezesinen jartylaı shyǵyp alypty. Aıta keteıik, Baýyrjan Momyshuly atyndaǵy áskerı mektep - bolashaq ofıserlerdi daıyndaıtyn sanaýly oqý oryndarynyń biri. Al qorǵanys mınıstrliginiń ókilderi bul jaıtqa qatysty bylaı dep túsinikteme berdi.

Qaırat Kópbaev, Qorǵanys mınıstrligi kadrlar jáne áskerı bilim departamentiniń bastyǵy:

"Áleýmettik jelide taraǵan taspaǵa qatysty qazir tekserip jatyrmyz. Búgin-erteń anyqtalyp, mektep basshylyǵy jaýapqa tartylýy ǵajap emes. Biz moıyndaımyz, kishkene bir qatelik ketken shyǵar"- dep málimdedi.

Oqı otyryńyz:

♦Jas túlekter jantúrshigerlik jol apatyna ushyrady (vıdeo)

Usynǵan: Bek Baıtas