Almaty kóshelerinde Almaly aýdanynyń ákimi samokatpen júr

Kýágerler Almatynyń Almaly aýdanynyń ákimi Bekqalı Torǵaevtyń qala kóshelerinde samokatpen júrgen sátin sýretke túsirip aldy dep habarlaıdy Qamshy.kz aqparat agenttigi Zakon.kz saıtyna silteme jasap. 

Bul sýretti Almaty qoǵamdyq keńesiniń múshesi Beknýr Kısıkov jelige júktedi, al fotonyń avtory Aıgúl Turysbekova. Sýretten Almaly aýdany ákiminiń Arbat jaqta samokatpen júrgenin kórýge bolady. 

 - Jalpy, qalanyń ekologııalyq kólik mádenıetine kóship jatqany qýantady. Qalalyqtar birtindep jeke kólikti tastap, jaıaý júrýdi tańdaı bastady. Sheneýnikterdiń samokat, velosıped nemese qoǵamdyq kólikpen qozǵalýdy jıiletkeni jón bolar edi. Bul ekologııa ǵana emes, ekonomııa. О́zim de kópten beri samotkatqa mingim kelip júr, aýyr júk kóteretin samokattar bar ma eken? – dep jazdy Beknýr Kısıkov.

Usynǵan: Marjan Sábet