• USD 378.65
  • EUR 430.07
  • RUB 6
  • CNY 55.1
20 Tamyz, 03:10:50
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

29 Mamyr, 2019 Oqıǵalar

Almaty oblysynan tabylǵan 168 Alash arysynyń súıegi qaıta jerlendi (vıdeo)

Aq kıimdi zııaly adamnyń elesi otbasyndaǵy barlyq adamdarǵa kórinetin bolǵan.

Talǵar aýdanynyń turǵyny monshaǵa qubyr jolyn qazyp jatqanda 168 adamnyń súıegin taýyp alǵan. Aq kıimdi zııaly adamnyń elesi otbasyndaǵy barlyq adamdarǵa kórinetin bolǵan dep habarlaıdy Qamshy.kz aqparat agenttigi almaty.tv saıtyna silteme jasap.

Osydan bir jyl buryn turǵyn úıdiń aýlasynan qańqasy tabylǵan adamdardyń repressııaǵa ushyraǵany belgili boldy. Jelkesi men qaraqustan tıgen oqtan ajal qushqan Alash arystarynyń súıegi saıası qýǵyn-súrgin qurbandaryn eske alý kúni qaraly mıtıngide jerlený kerek edi. Biraq belgisiz sebeptermen qańqalar asyǵys jer qoınyna tapsyryldy.

Murat Qyrǵyzbaıuly úıiniń aýlasynan adam súıegi shyqqan soń qyryq jyldan astam sheshýin taba almaı júrgen jaıttyń jaýabn túsingen. Aıtýynsha, kún batsa bolǵany aq kıimdi zııaly adamnyń elesi otbasyndaǵy barlyq adamǵa kórinetin bolǵan. Sóıtse, elý jyldaı turyp kelgen úıleriniń aýlasynda jazyqsyz atylǵan júzdegen adamnyń súıegi jatqan eken. Muny ol monshaǵa qubyr jolyn qazyp jatqanda bir-aq bilgen.

"Bir joly túnde qonaq bólmesine kirip barǵanymda, aq kıimdi adam kórgenim áli kúnge kóz aldymda. Ol jaı adam emes, aq shlıapa, aq kostıým kıip alǵan adam edi. Kórdim de, qatty qorqyp, úıdegilerge áreń jetkizdim. Sóıtsem, jalǵyz men ǵana emes, eki ápkem de, aǵam da, anam da, úıdegiler túgel kórgen eken. Olardyń bizge eshqandaı zııany tıgen joq. Biraq, nege ondaı eles kezip júretinin túsinbedik.  Endi mine, myna jerdiń bárin qazyp, 168 adamnyń súıegi shyqqan kezde túsinip otyrmyz", – deıdi úı ıesi Murat Baıǵojaev.

Al, 6 aı sot saraptamasy júrgizilip, qujattary qattalǵan azamattardyń aty-jónderi túgel anyqtalmasa da, olardyń árýaǵyna Quran baǵyshtalyp, jıyrmadan astam qorapqa salynǵan súıekter qaıta jerlendi. Biraq, bul iske alashtanýshylar razy emes. Aıtýlarynsha, áý basta keliskendeı, 31 mamyr – saıası qýǵyn-súrgin qurbandaryn eske alý kúni kóptiń aldynda jerleımiz degen jospar aıaq astynan ózgerip ketken.  

"Meniń buǵan kóńilim tolmaı otyr. Sebebi, halyq biletindeı etip jerleýimiz kerek edi. Al, biz bas-aıaǵy 15-20 adamdy jınap aldyq ta, jasyryn jerleı saldyq. Túsinbedik, kimnen tyǵylyp, tarıhymyzdy kimnen jasyryp júrmiz ózi? Eger Alash qaıratkerlerine, keshegi qandy qyrǵyn qurbandaryna kórsetip otyrǵan qurmetimizdiń túri osy bolsa... Osyndaı qandy qyrǵyn, qasıetti tarıhty urpaqtyń sanasyna sińirý bizdiń paryzymyz, boryshymyz emes pe?", – deıdi Qazaqstandaǵy saıası qýǵyn-súrgin qurbandary qaýymdastyǵynyń tóraǵasy Jumabek Ashýuly.

Al jyl boıy qaraýsyz qalǵan aýmaqty endi ǵana retke keltirip jatqan Talǵar aýdandyq ákimdigi ókilderiniń pikiri basqasha. Olar 31 mamyr kúni qaraly mıtıngige keletin adamdar sany az bolmaıtynyn, al kóptiń aldynda jerleý rásimin ótkizý ýaqytty alatynyn aıtady.

"Keletin adamdar kóp, al ýaqyt tyǵyz boldy. Myna jerde úlken mıtıng bolady. Jan-jaqtan adamdar jınalady. Sondyqtan, ol kúnge qabattastyrmaı-aq búgin mine moldany shaqyryp, sol is sharany ótkizdik", – deıdi Talǵar aýdanynyń ákimi Ryskeldi Sátbaev.  

Al aýyl turǵyndary buryn da bireń-sarań adam súıegi tabylǵanmen, dál osyndaı kóp adamnyń bir jerge kómilgenin kezdestirmegenderin aıtady. Jańalyqtaǵy úı ıesi aýlasyn qazsa, áli de adam súıekteri tabylady dep otyr. Al alashtanýshylardyń zertteýinshe, baı, feodal degen jeleýmen atylyp, qýdalanǵan azamattar áli kúnge aqtalǵan joq. Sondyqtan, olar aldaǵy aptanyń sońynda tyń derekterdi jarııa etip ári jasalatyn jumys josparyn jarııalaý maqsatynda eki kúndik konferensııa uıymdastyrmaq.

Usynǵan: Maqpal Sembaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir