• USD 378.65
  • EUR 430.07
  • RUB 6
  • CNY 55.1
26 Tamyz, 15:58:32
Nyǵmatýlın Parlamenttiń qos palatasyn birlesken otyrysqa shaqyrdy

29 Mamyr, 2019 NEWS

Ata-ana zary: Ulymdy óltirgen qylmyskerler bostandyqta júr!

Kórshi ústelde ishimdik iship, dastarhanǵa túkirgen jigitterge eskertý jasaǵanynda olar teketireske shaqyrypty.

Tuńǵyshynan oıda-joqta aıyrylǵan ata-ana osylaı dep zar jylap otyr. Erli-zaıyptylardyń baýyr eti balasy bes aı buryn kisi qolynan qaza tapsa da, qylmystyq is durys tergelmeı, sıyrquıymshaqtanyp ketken. Tipti iske esh qatysy joq tulǵalar sot aldynda jaýap berip jatqan kórinedi. Tóbelestiń qurbany bolǵan jigittiń týystary ádildik izdep álek. Bul týraly Qamshy.kz aqparat agenttigi Eýrazııa birinshi arnasyna silteme jasap habarlaıdy. 

"Tula boıym tuńǵyshym. Endi bıyl kelin alaıyn dep josparlap qoıǵanmyn. Bárin daıyndap qoıǵanmyn kelin alǵanǵa", - deıdi qaza tapqan jigittiń anasy.

Kelin túsirip, nemere súıemin dep otyrǵan otbasy tuńǵyshtarynan aıyrylǵaly bes aıdan asqan. Adam qolynan mert bolǵan soń shyndyq izdep shyryldap júr. Ata-ananyń aıtýynsha, Alataý aýdanynyń tergeýshileri isti burmalap, sot aldynda kinásizderdi jaýapqa tartyp jatyr. Uldaryn kókala qoıdaı sabap, pyshaqtap, azaptap óltirgen naǵyz qylmyskerler bostandyqta júr dep kúıinedi. 

"Senbeımin tergeýshilerge. Eshkimge senbeımin. Jasyryp eki adamdy otyrǵyzyp qoıyp otyr. Qudaıdan jetkirler taırańdap júr. 10 adamnyń bárin úkimettiń bárin satyp alsa, Allany satyp almaıdy. Jazasyn beretin shyǵar", - deıdi marqumnyń anasy О́mirhan Ámirjan.

Qyrǵyn tóbeles marqum Danııar Asqarbektiń joldasymen kafege barýynan bastalady. Kórshi ústelde ishimdik iship, dastarhanǵa túkirgen jigitterge eskertý jasaǵanynda olar teketireske shaqyrypty. Sóıtip, 12-qańtar kúni 4-5 qara kólikke mingen, otyz shaqty bala olardy týra jataqhananyń aldynan kútip alady. Áýelgide "beske bes" jekpe-jekke shyǵasyńdar dep buıyrǵanymen, qoldaryna pyshaq ustaǵandar sózderinen taıyp, jabyla ketken. 

"Bir adam pyshaqtaýy múmkin emes. О́ıtkeni artynan júgirgenniń bárinde pyshaq boldy. Men kórgen altaýynda boldy. Birinshi bop pyshaqty Áýez ózi aldy. Odan keıin taratty. Eshqaısy sotta joq. Anaý endi bireýi boldy. Onyń qatysy joq", - deıdi marqumnyń dosy Ashat Ermek.

"Ishinen kindik tusynan 20 sm jerin úlken pyshaqpen júrek pen asqazan ortasyndaǵy ýánná qantamyryn kesken. Syrtqy búırekten búırekti eki jaryp arqa qantamyryna barǵan. Mine aıaýsyz túrde óltirip otyr", - deıdi qaza tapqan jigittiń ákesi Asqarbek Dúısenbek.  

Aıaýsyz óltirgenderdiń qoldarynda úlken pyshaq bolǵan deıdi qara jamylǵan otbasy. Al, zań aldynda jaýapqa tartylyp jatqan jigit marqumǵa eki ret ashylyp-jabylatyn qalta bákisin suǵyp alǵanyn aıtty sýdıaǵa. Biraq, tóbeleske shaqyrǵan birde bir "dosyn" tanymaı otyr. Áýelgide tergeýshilerge basqa túsinik berip, búgin bárin moınyna aldy. 

Sottaǵy dıalog:

- Ol maǵan qaraı júgirgen kezde men ishine tyǵyp aldym. Odan keıin sezbedi ol. Artynan tyǵyp aldym. Qashty.

- Qandaı pyshaq edi?

- Báki bolǵan.

- Uzyndyǵy?

- Uzyndyǵyn bilmeımin. 

"Sot medısınalyq saraptamanyń qorytyndysyna sáıkes iri tamyrlardy zaqymdanǵan. Tóbeles barysynda Aıapov qarsylasy Asqarbekovke qasaqana aýyr zııan keltirý oı týyndaǵan", - deıdi bólim prokýrory Dinmuhambet Mahambetqul.

Marqumnyń týystaryn kúmándandyryp otyrǵany da osy. О́ıtkeni, kýágerler kúdiktilerdiń ol tóbeleste bolmaǵanyn jaıyp saldy. "Almatyda tiri júrgizbeımiz" dep qorqytqandar jazadan qutylyp kete me dep alańdaýly. Sondyqtan, ádildik bolmasa, joǵarǵy sotqa deıin aryzdanýǵa bekingen.

Usynǵan: Ádilet Mádenıet

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir