Ulttyq testileý ortalyǵynyń basshysy paramen ustalǵan: Shámshıdınova otstavkaǵa kete me?

Ulttyq testileý ortalyǵy basshylarynyń paramen ustalýyna qatysty málimdeme jasaǵan Bilim mınıstri otstavkaǵa ketý oıynda joq ekenin málimdedi dep habarlaıdy Qamshy.kz aqparat agenttigi  KTK telearnasyna silteme jasap. 

"Qylmystyq is qozǵalyp, tergeý júrip jatyr. Sol sebepti, onyń qorytyndysyn kútýimiz kerek. Al otstavkaǵa ketý jaıly aıtarym: ózderińiz bilesizder, mınıstr qyzmetine kiriskenime nebary úsh aı ǵana boldy. Sondyqtan suraǵyńyz orynsyz dep oılaımyn", - dedi Kúlásh Shámshıdınova jýrnalısterdiń saýalyna. 

Buǵan deıin prezıdent Qasym-Jomart Toqaev qyzmetkerleri paramen ustalsa, birinshi basshy otstavkaǵa ketýi kerektigin aıtqan edi. Keıin ile-shala Bilim jáne ǵylym mınıstriligine qarasty Ulttyq testileý ortalyǵynyń burynǵy bas dırektory para retinde sheteldiń 9 mıllıon teńge turatyn qymbat kóligin aldy degen kúdikke ilindi. Ol ortalyqty 2016-2017 jyldardyń aralyǵynda basqarǵan. Odan keıin taǵaıyndalǵan Ramazan Álimqulov ta sot sheshimimen eki aıǵa qamaýǵa alyndy. Tergeý málimetterine qaraǵanda, ol 2017-2018 jyldary deldal arqyly júıeli túrde aýyzbastyryq alyp otyrǵan. 

Usynǵan: Marjan Sábet