• USD 378.65
  • EUR 430.07
  • RUB 6
  • CNY 55.1
26 Tamyz, 16:12:43
Nyǵmatýlın Parlamenttiń qos palatasyn birlesken otyrysqa shaqyrdy

29 Mamyr, 2019 Aımaqtar

Ramazan aıyndaǵy rııasyz qýanysh

Ásirese, qasıetti Ramazan aıynda kásipkerler kópbalaly otbasylardy rııasyz qýanyshqa keneltýde.

Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasynyń «Týǵan jerge týyńdy tik!» jobasy aıasynda qaıyrymdylyq qylǵan   atymtaı jomart jandardyń  sany kún sanap artýda.  Bul baǵytta  Jambyl jerinde de kópke úlgi bolar tirlikter jasalýda. Ásirese, qasıetti Ramazan aıynda kásipkerler kópbalaly otbasylardy rııasyz qýanyshqa keneltýde.

qaıyrylymdylyq

Sonyń bir kórinisi retinde jýalylyq kásipker, «Býrnoe Solar» kún stansııasynyń bas dırektory Nurlan Kapenovnyń  kópbalaly otbasyǵa 3 bólmeli páter kiltin syılaǵanyn aıryqsha aıtsa bolady.

qaıyrylymdylyq

Jalpy atalmysh eldi mekende  buǵan deıin «Baıyrjan Momyshuly» qaıyrymdylyq qoǵamdyq qory jumysp jsap turǵan-dy. Mine, kásipker osy qorǵa qoǵamty qarjy aýdaryp, óz esebinen Baýyrdan Momyshuly aýylynda ornalasqan 2 qabatty turǵyn úıden 3 bólmeli páter satyp alyp berip otyr.

qaıyrylymdylyq

Al qonystoıdyń ıesi 6 qyzdyń anasy Qalıpa Edilbaeva. Baspanaly bolǵan kópbalaly otbasynyń   qýanyshyn bólisýge aýdan ákimi Narbaı Ergebekov, aýdandyq máslıhat hatshysy Erǵalı Tileýbekov, aýdandyq soǵys jáne eńbek ardagerleri keńesiniń tóraǵasy Estemes Amanbekov jáne  aýdandyq qoǵamdyq keńestiń tóraǵasy Seıithan Jumashev keldi.
Kásipker  Nurlan Nurǵalıuly, aýdan basshylarymen birge otanasy Qalıpa Edilbaevaǵa eki qabatty turǵyn úıdiń birinshi qabatynda ornalasqan úsh bólmeli páterdiń kiltin tabystap, shańyraǵyna shattyq, bosaǵasyna baqyt  tiledi. 
Qýanyshtan kózine jas alǵan Qalıpa ana jomart júrekti kásipkerge alǵysyn bildirdi.

qaıyrylymdylyq

Iá, «Qoly ashyqtyń joly ashyq» deıdi dana qazaq. Jýyrda  Sarysý aýdanynyń Qurmetti azamaty, jeke kásipker Dáýletaldy Janbaev ta  jeti balanyń anasy Gúlsana Qalıevaǵa Jańatas qalasynan 3 bólmeli páter syılady. Jalǵyzbasty ana buǵan deıin jaldamaly páterde turyp kelgen.

– Únemi balalarym óz úıimiz bolsa dep armandaýshy edi. Búgin sol balalarymnyń armany oryndaldy. Ramazan aıynda bizge osyndaı qamqorlyq kórsetken atymtaı jomart Janbaev myrzaǵa alǵysym sheksiz. Syıǵa tartqan úsh bólmeli páter qalanyń dál ortasynda ornalasqan. Ishi keń ári jaryq eken, — degen G. Qalıeva barsha oblys jáne aýdan basshylyǵyna alǵysyn jetkizdi.

qaıyrylymdylyq

Kóp balaly anaǵa qýanysh syılaǵan «Altyn-Orda 2006» JShS-i dırektory Dáýletaldy Dáýitbaıuly buǵan deıin de aýdan, oblys kólemindegi qamqorlyq sharalarynan tys qalǵan emes.

– Adamǵa jaqsylyq jasaý paryz ǵoı. Búgingi balalardyń júzderindegi qýanyshty kórip, boıymdy erekshe sezim bıledi. Úıli bolǵan Gúlsana qaryndasymnyń balalary endi esh alańsyz qutty shańyraqtarynda ósip-jetilsin. Elbasy N. Nazarbaev, Memleket basshysy Q. Toqaev kópbalaly analardyń jaǵdaıyn oılap, qoldan kelgen barlyq jaqsylyqtardy jasaýǵa jaǵdaı jasap jatyr. Oblys ákimi Asqar Myrzahmetov te aımaqta áleýmettik máselelerdiń túıinin tarqatýǵa bar kúsh-jigerin jumsaýda. Sondyqtan balalarymyz azamat degen atqa laıyq bolyp óssin. El tiregine aınalsyn!,-deıdi «Nur Otan» partııasy Sarysý aýdandy fılıaly saıası keńesiniń múshesi, jeke kásipker D.Janbaev.

Shý aýdanynda da atymtaı jomart azamattar az emes. Olar óz kásibin órge domalatyp ǵana qoımaı, aınalasyndaǵy aǵaıynǵa da  qaraılasyp, qaıyrymdylyq jasaýda.  Mine, sondaı keń júrekti kásipkerdiń biri Aıdyn Nıkolaıuly Shý shaharyndaǵy jalǵyz basty anaǵa úı syılady. Kóńili jarymjan  jannyń qýanyshymen bólisýge aýdan ákimi Jarylqasyn Aıtaqov kelip, páter kiltin saltanatty túrde tabys etti.

Al keshe Shý qalasy Qant zaýyty yqshamaýdanyndaǵy taǵy bir kópbalaly otbasy qonstoıyn toılady. Igi iske muryndyq bolǵan aýdannyń mesenaty, belgili kásipker Nıkon Kım 7 balanyń anasy Aısulý Ibadýllaqyzyna turǵyn úı kiltin tabys etti. Qutty bolsyn aıta barǵan aýdan basshysy Jarylqasyn Ábdiǵaparuly lenta qııý rásimine qatysyp, qýanysh ıelerine izgi tilegin jetkizdi.

О́z kezeginde Aısulý Ibadýllaqyzy aıaly alaqannyń jylýyn sezdirgen kásipker Nıkon Markovıchke jáne januıasyn baspana alýǵa laıyqty dep tapqan aýdan  basshylyǵyna sheksiz alǵysyn jetkizdi.

Osylaısha Oraza aıynda jambyldyq kásipkerler el esinde qalar ıgi ister jasaýda. Bul sóz joq, saýaby mol sharapat ekeni daýsyz.

Jaıdar Azamat

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir