• USD 378.65
  • EUR 430.07
  • RUB 6
  • CNY 55.1
21 Tamyz, 18:19:36
Maqsat - Qazaqstandy damyǵan 30 eldiń qataryna kirgizý

29 Mamyr, 2019 Aımaqtar

Joba óz jemisin berýde

«Jambyl – adaldyq alańy» jobalyq keńsesine arnaıy at basyn burǵan edik.

Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda «Sybaılas jemqorlyqtan ada óńirler» jobasy aıasynda Astana qalasynyń jemqorlyqqa qarsy tájirıbesin barlyq óńirlerge engizý tapsyrylǵan bolatyn. Osyǵan oraı oblys ákimdigi ótken jyldyń sońynda   «Jambyl – adaldyq alańy» jobasyn jandandyrǵan edi. Bul bastamanyń búgingi baǵdary qandaı? Artylǵan senim údesinen shyǵa alyp jatyr ma? Mine, osy saýaldarǵa jaýap tappaq maqsatta «Jambyl – adaldyq alańy» jobalyq keńsesine arnaıy at basyn burǵan edik.

Jalpy keńse basshysy Qaırat Meklısovtyń aıtýynsha, joba ótken jyldyń jeltoqsan aıynda iske qosylǵandyqtan qazir baǵdaryn aıqyndaý jumystary júrgizilip jatyr eken.

Jambyl adaldyq alańy

– Jobalyq keńse úsh sala boıynsha jumys atqarady. Olar turmystyq jemqorlyqty joıý jáne qolaıly orta qurý, qoǵamdyq baqylaýdy júzege asyrý jáne sybaılas jemqorlyqqa qarsy mádenıetti qalyptastyrý. Onyń ishinde turmystyq jemqorlyqty joıý jáne qolaıly orta qurý úshin bilim berý, densaýlyq saqtaý, áleýmettik qamtamasyz etý, sáýlet, qurylys jáne turǵyn úı-kommýnaldyq sharýashylyq, aýyl sharýashylyǵy, jer qatynastary, memlekettik kiris, sot jáne quqyq qorǵaý organdary salalary boıynsha zerdeleý jumystary júrgizilýde.
      Jekeleı aıtsaq, bilim berý baǵyty boıynsha mektepterdegi aqsha jınaýdy joıý, bilim ordalaryna bólinetin bıýdjettik qarajattyń ashyqtyǵyn qamtamasyz etý syndy turmystyq jemqorlyqty joıýǵa baǵyttalǵan sharalar qolǵa alynýda. Sondaı-aq mektepterde «Adal urpaq», «Sanaly urpaq» syndy klýbtardyń jumysyn jolǵa qoıyp, jastardy mektep qabyrǵasynan jemqorlyqqa boıaldyrmaýǵa nasıhattaýdamyz.

Jobalyq keńsemiz aqpan aıynda ashylǵandyqtan ázirge munda alty maman jumys jasaýda. Ár mamanǵa eki salada belgilenip berilgen. О́zim «Panarama» aqparattyq ortalyǵynan osy qyzmetke kelsem, ózge mamandarym ózderi jaýapty bolyp otyrǵan salalar boıynsha joldanǵan. Jáne aılyq jalaqylary da tirkelgen mekemelerinen tólenedi. Bizdiń derbes bıýdjetimiz bolmaǵandyqtan negizgi qarjy kózimiz memlekettik tapsyrys bolyp otyr. Mine, osy negizde negizgi jumysymyzdy jandandyrýdamyz, - deıdi keńse basshysy.

Keńse tynysymen biz de jan-jaqty tanysyp shyqtyq. Irgesi endi qalanyp otyrǵan ortalyq qajetti quraldarmen tolyqtaı  jabdyqtalypty. Jáne jobanyń áleýmettik paraqshalary ashylyp,  iske qosylǵan. Ol jerden kez-kelgen qala turǵyny ózine qajetti aqparatty ala alady. Jáne jýyrda keńse basshylyǵy bul jumysqa arnaıy mamandy belgilep, aqparattandyrý jaǵyna aıryqsha basymdyq bergeli otyrǵandaryn aıtýda.

- Biz qaı salaǵa bolmasyn tekserýshi emes, tutynýshy retinde baramyz. Sol arqyly ózimizge qajetti aqparatty alyp, kemshilikterdi kóptiń kózimen birdeı kórýdemiz. Jáne jasalǵan zerdeleý jumystarymyzdy áleýmettik jelilerdegi paraqshalarymyzǵa salyp, ashyqtyq prınsıpin ustanýdamyz. Máselen №2 qalalyq aýrýhanaǵa saralaý jumystarymen barǵanymyzda ár naýqasqa WhatsApp   nómirimizdi  berip kettik. Sonda emdelýshiler tegin dáriniń berilmeı jatqany, dárigerlerdiń durys qaramaǵandyǵy syndy  shaǵymdaryn  jazyp jatty. Ony biz hattamaǵa engizip, oblys ákimdigi densaýlyq saqtaý basqarmasyna joldadyq. Dál sondaı, №55 mektepke zerdeleý jumystaryn júrgizgenimizde, qol jýý qurylǵylarynyń istemeı turǵany, onyń ornyna baklashkamen sý qoıyp qoıǵany, rakovınalarynyń ishi qumyrsqaǵa tolyp ketkeni, ashananyń bir buryshynda  tyshqan óltiretin dáriniń ashyqtan-ashyq jatqany sekildi olqylyqtardy anyqtadyq. Bul keleńsizdikter týraly   Taraz qalasy ákimdigi bilim berý bólimin habardar etip, shara qoldanýyn ótindik. Olar mektep dırektoryn shaqyryp, bizdiń qatysýymyzben  kemshilikterdi túzetý týraly ýádesin aldy.Osy syndy Jambyl aýdany Grodekova aýylyndaǵy halyqqa qyzmet kórsetý ortalyǵyna barǵanymyzda da  pandýstardyń standartqa saı kelmeıtini, kelýshilerge arnalǵan turaqqa qyzmetkerler óz kólikterin qoıyp qoıǵany syndy jaıttarǵa  kýá boldyq. Al eń soraqysy ortalyq basshysyna baratynymyzdy eskertsek te, ol qyzmet ornynda bolmaı shyqty. Qazir osyndaı keleńsizdikterdi anyqtap, jaýapty mekemelerdi jaýapkershilikke shaqyrýdamyz, - deıdi Q. Meklısov.

Budan bólek, keńse mamandary mektep dırektorlarynyń kabınetterin de baqylaýǵa alǵan. Eger mektep basshysynyń  keńsesi belgilengen talaptan úlken bolsa, ony bosatyp, shaǵyn kabınetke kóshý týraly usynystar bildirýde. Sondaı-aq mektep basshysynyń keńsesi kelýshilerge qoljetimdi bolýy úshin ǵımarattyń birinshi qabatyn ornalasý jaǵy da jiti qadaǵalanýda.

-Negizi bizdiki qoǵamdyq jumys bolǵannan keıin, eshkimnen eshteńeni talap ete almaımyz. Alaıda «Jambyl – adaldyq alańy» jobasy iske qosylar aldynda oblystaǵy barlyq mekeme basshylarynan qoldaý bildirý týraly kelisimderi alynǵan. Alaıda keıbir basshylar mamandarymyz barǵanda qyzmet ornynda bolmaı, qıyndyqtar týǵyzýda. Dese de, biz alǵan baǵytymyzdan taımaı mektep pen balabaqshalardaǵy qamqorlyq keńesine múshe ata-analarǵa arnap   WhatsApp  jelisinen top ashyp qoıdyq. Olardyń sonda aryz-shaǵymdaryn bildirýge múmkindik jasadyq.  Jáne aldaǵy ýaqytta osyndaı WhatsApp jelisine qosylǵan nómirimiz kórsetilgen jarnamalardy mektep jáne balabaqshalarǵa ilsek dep otyrmyz. Bul bizge mekemede bolyp jatqan jaǵdaıdy ishten baqylaýǵa múmkindik beredi.

Taǵy bir aıta keterligi, jemqorlyq sıpatyndaǵy kóriniske kýá bolǵan ata-analar nemese turǵyndar Taraz qalasy «Hımposelok» ıinindegi keńsemizge kelip, qaǵaz júzindegi shaǵymdaryn da bildire alady, - deıdi jobalyq keńseniń basshysy.

 Keńse mamandary mektepterdegi qamqorlyq keńesine túsken qarjylardyń ashyqtyǵyn da baqylamaq. Sondaı-aq osy tańǵa deıin Jambyl, Baızaq aýdandaryna zerdeleý jumystaryn júrgizse, endi shalǵaı aýyldardy qamtý úshin jastar resýrstyq ortalyqtarymen kúsh biriktirmek. Jáne bolashaqta mundaı saralaý jumystaryna buqaralyq aqparat quraldary ókilderin de shaqyryp, zańsyz áreketterdi elge jarııa  etýdi maqsat tutyp otyr.

Árıne, tirligin endi ǵana tiktep kele jatqan jobalyq keńseniń kórseter jemisi alda.  Alaıda osy tańǵa deıin júrgizilgen zerdeleý jumystarynyń ózinde keıbir mektep dırektorlary 8-naýryz halyqaralyq áıelder kúnine ustazdarǵa gúl syılaýǵa tıym salypty. Al keıbir balabaqshalar  tárbıelenýshilerge syılyq jasaýǵa aqsha jınaýǵa shekteý qoıǵan kórinedi. Demek, joba óz pármeniń kórsete bastady degen sóz. Endi tek basy táp-táýir bastalǵan tirliktiń sońy sıyr quıymshaqtanyp ketpesin dep tileıik.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir