• USD 378.65
  • EUR 430.07
  • RUB 6
  • CNY 55.1
26 Tamyz, 14:19:16
Nyǵmatýlın Parlamenttiń qos palatasyn birlesken otyrysqa shaqyrdy

29 Mamyr, 2019 Aımaqtar

Tarazdaǵy qýanysh: 60 otbasy qonystoıyn toılamaq

Erkebulan Daýylbaev olarǵa páter kiltterin saltanatty jaǵdaıda tabys etti.

Elbasynyń tapsyrmasymen  «Nurly jer» memlekettik baǵdarlamasy aıasynda áleýmettik jaǵdaıy tómen otbasylardy jalǵa beriletin baspanamen qamtý qolǵa alynǵany belgili. Bul ıgi is Jambylda da  kórinis taýyp, taıaýda Taraz qalasy «Báıterek» yqshamaýdanynda 60 páterli arendalyq-kommýnaldyq turǵyn úı paıdalanýǵa berildi. Qonystoı ıeleriniń qýanyshymen bólisken oblys ákiminiń orynbasary Erkebulan Daýylbaev olarǵa páter kiltterin saltanatty jaǵdaıda tabys etti.

turǵyn úı

– Oblysta «Nurly jer» baǵdarlamasy boıynsha bıylǵy jylǵa 30 turǵyn úıdiń qurylysyna 12 mıllıard teńgeden astam qarjy qaraldy. Onyń búginde qurylys jumystary qyzý qarqyn alyp, sonyń nátıjesinde 60 otbasynyń baspanamen qamtylý qýanyshyna ortaqtasyp otyrmyz. Budan bólek, osy jyldyń sońyna deıin 30 turǵyn úıdiń 28-i paıdalanýǵa beriledi dep kútilýde. Sonyń esebinen jurtshylyqqa 2 175 páter tapsyrylmaqshy. О́ńirimizde 25 myń adam úı kezeginde tursa, onyń 14 myńnan astamy turǵyn úıge óte muqtaj azamattar. Onyń ishinde 2 641-i kópbalaly otbasy sanatynda. Bıýdjet tapshylyǵyna qaramastan, baspana máselesin sheshý maqsatynda oblys ákimi Asqar Myrzahmetovtiń tapsyrmasymen 360 páterli 8 jataqhananyń qurylysy jaz aıynda qolǵa alynatyn boldy. Ol jattaqhanalar  áleýmettik osal topqa jatatyn azamattarǵa beriledi. Jalpy, jyl aıaǵyna deıin osy tektes jańadan salynatyn jataqhanalar esebinen turǵyn úı kezegi kelgenshe azamattardy jaıly  baspanamen qamtý maqsatynda jurt 612 pátermen qamtylady dep kútilýde, – dedi Erkebulan Ábilhanuly.

Páter kiltine ıe bolǵandar negizinen turǵyn úı kezeginde turǵan áleýmettik osal top ókilderi. Paıdalanýǵa berilgen kópqabatty turǵyn úı áleýmettik jaǵynan qorǵalatyn toptardyń azamattaryna jekeshelendirý quqyǵynsyz berilgen. Olar aıma-aı jalǵa berilgen páterge tóleıtin 5-6 myń teńge tólemaqyny úlken kómek dep otyr.

Jalpy, qonysty qutqa balaǵandardyń qatarynda 17-si memlekettik jáne bıýdjettik uıym qyzmetkeri bolsa, 31-i áleýmettik jaǵynan qorǵalǵandar, 12-si jetim balalar. О́mirlik qıyn jaǵdaıdaǵy balalardy qorǵaý ortalyǵynyń tárbıelenýshisi Bekbolat Serikbaı ata-anasynan erte aıyrylǵanyn, memleket qamqorlyǵy arqasynda armany birtindep júzege asyp kele jatqanyn aıtady.

– Negizinen, bir úıden 5 aǵaıyndy shyqqanbyz. Páter kezeginde turǵanymyzǵa 10 jyldan asty. Myna páter inim ekeýmiz turý úshin berildi. О́zim ómirlik qıyn jaǵdaıdaǵy balalardy qorǵaý ortalyǵynyń 11 synyp oqýshysymyn. Bolashaqta joǵary oqýǵa túsip, mamandyq ıgerip, elge, Otanǵa qyzmet etsem degen armanym bar, – deıdi ol.

Atalǵan turǵyn úı qurylysyn merdiger «Bınom» jaýapkershiligi shekteýli seriktestigi júrgizipti. Ondaǵy páterlerdiń 30-y 71 sharshy metirdi quraıtyn 3 bólmeli bolsa, qalǵany 1,2 bólmeli (58,40 shm) páterler.

Aldaǵy ýaqytta paıdalanýǵa beriletin 1 460 páterli 21 úı kredıttik bolsa, 526 páterli 7 úı arendalyq negizde salynbaq. Onyń ishinde 187 páter kezektegi kópbalaly otbasylardyń satyp alýy úshin josparlanǵan.

Jaıdar Azamat

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir