• USD 378.65
  • EUR 430.07
  • RUB 6
  • CNY 55.1
26 Tamyz, 14:25:14
Nyǵmatýlın Parlamenttiń qos palatasyn birlesken otyrysqa shaqyrdy

29 Mamyr, 2019 Aımaqtar

«Bastaý bıznestiń» buqaraǵa bereri mol

Sonyń biri – nátıjeli jumyspen qamtý memlekettik baǵdarlamasy.

Búginde qaı memlekette bolmasyn jumyssyzdyqpen kúres – basty máselelerdiń biri bolyp turǵany aıqyn. Alaıda keıingi jyldary elimizde bul baǵytta birshama sharýalar qolǵa alynyp, jemisin berýde. Sonyń biri – nátıjeli jumyspen qamtý memlekettik baǵdarlamasy. 

Jalpy «Eńbek» Nátıjeli jumyspen qamtýdy jáne jappaı kásipkerlikti qoldaýdyń 2017-2021 jyldarǵa arnalǵan baǵdarlamasynyń ekinshi baǵyty boıynsha byltyr 1003 adam shaǵyn nesıe alyp, sonyń arqasynda ózin-ózi jumyspen qamtyǵandardyń qatary artqan. О́tken jyly bólingen 4 mıllıard 111 mıllıon teńge nesıe qarjat tolyq ıgerilipti. Bıyl da osynshama qarajat bólinip, 1020 adamǵa nesıe berý josparlanyp otyr eken. Bul týraly oblys ákimdigi ishki saıasat basqarmasynyń «О́ńirlik kommýnıkasııalar qyzmetiniń» aqparat alańynda atalǵan baǵdarlamanyń ekinshi baǵytynyń oblysta júzege asyrylýy barysy haqynda ótken brıfıngte aıtyldy.

– QR Tuńǵysh Prezıdenti-Elbasy Nursultan Ábishuly Nazarbaev «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Joldaýynda: «Eńbek naryǵy tıimdiligin qamtamasyz etýdiń, árbir adamǵa óz áleýetin iske asyra alýy úshin jaǵdaı jasaý mańyzdy. Ekonomıkalyq ósý rezervi ózin-ózi jumyspen qamtyǵandar men jumyssyzdar bolyp tabylatynyn eskerý qajet» dep atap ótken bolatyn. Osy oraıda, bul baǵdarlamanyń maqsaty halyqty nátıjeli jumyspen qamtýǵa járdemdesý jáne azamattardy kásipkerlikke tartý bolǵandyqtan, oǵan qatysýshy azamattardyń qoǵamda qyzyǵýshylyǵy artyp keletinin aıtqym keledi. Sebebi, baǵdarlama oǵan qatysýshylardy kásipkerlik daǵdylar boıynsha oqytyp, onyń ishinde aýyl sharýashylyǵy kooperatıvterin qalyptastyrady jáne jurtshylyqtyń bıznes jobalaryn súıemeldeýdi kózdeıdi. Búginde osy baǵdarlamanyń ekinshi baǵyty negizinde bólingen shaǵyn nesıe qarajaty qarjy ınstıtýttaryna tolyǵymen berildi. Atap aıtqanda, 2 mıllıard 466,6  mıllıon teńge «Aýyl sharýashylyǵyn qarjylaı qoldaý qory» aksıonerlik qoǵamynyń oblystyq fılıalyna, al 1 644,4 mıllıon teńge «Agrarlyq nesıe korporasııasy» aksıonerlik qoǵamynyń oblystyq fılıalyna tıesili. Sonymen qatar, aǵymdaǵy jyly qosymsha respýblıkalyq bıýdjetten 1 mıllıard teńge qarastyrylyp otyr, – deıdi oblys ákimdigi aýyl sharýashylyǵy basqarmasy basshysynyń orynbasary Qaırat Amanov.

Jıynda oblystyq kásipkerler palatasynyń bólim basshysy Janel Ilııasova ótken jyly «Bastaý-Bıznes» baǵdarlamasy aıasynda 1 745 adam kásip ashýdyń qyr-syryn úırense, bıyl 1 200 adamdy oqytý josparlanyp otyrǵanyn aıtty. Sonymen qatar, «Agrarlyq nesıe korporasııasy» aksıonerlik qoǵamynyń oblystyq fılıaly dırektorynyń orynbasary Ahmedııar Aıtbaev, «Qazagrogrant» aksıonerlik qoǵamynyń oblystyq fılıalynyń dırektory Ádilet Qalabaev, «Aýyl sharýashylyǵyn qarjylaı qoldaý qory» aksıonerlik qoǵamynyń oblystyq fılıalynyń nesıe bóliminiń basshysy Baýyrjan Tájibaev, «Atameken-Taraz» jaýapkershiligi shekteýli seriktestiginiń dırektory Samat Qosalıev atalǵan baǵdarlama aıasynda beriletin qarjy tetikteri men shaǵyn nesıe alýǵa qandaı qujattar kerektigi jónindegi málimettermen bólisti.

Jaıdar Azamat

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir