• USD 378.65
  • EUR 430.07
  • RUB 6
  • CNY 55.1
21 Tamyz, 11:57:23
Alpınısterdiń naqty qaı jerde ekeni áli belgisiz

27 Mamyr, 2019 Aımaqtar

Jambyl oblysynda jer telimderine ınfraqurylym tartylady

О́z kezeginde ınfraqurylym júrgizilgen barlyq jer telimderi óziniń ıelerin tabady.

Memlekettik «Nurly jer» baǵdarlamasy aıasynda Jambyl oblysynda 1704 gektar úı alqaby ınjenerlik-kommýnıkasııalyq ınfraqurylymmen qamtylady. Máselen Taraz qalasyndaǵy 628 gektar jerdegi 3289 jer telimine, sonymen qatar Jýaly aýdanyndaǵy 65 gektardaǵy 356 jer telimi, Qordaı aýdanyndaǵy 615 gektar aýmaqtaǵy 2776 jer telimi, T.Rysqulov aýdanyndaǵy 138 gektardaǵy 521 jer telimi jáne Shý aýdanynan 258 gektar aýmaqtaǵy 1330 jer telimine ınfraqurylym tartylady. О́z kezeginde ınfraqurylym júrgizilgen barlyq jer telimderi óziniń ıelerin tabady.

Memlekettiń «Nurly jer» baǵdarlamasy aıasynda Taraz qalasynda kóptegen jumystar atqarylýda. Máselen, kóne shahardaǵy Sabalaqov kóshesiniń sońynan turǵyn úılerdiń qurylysyn júrgizý úshin jer telimi «biryńǵaı júrgizýshige» bólinip, qurylys jumystary júrgizilýde. Sonymen qatar, «Kóltoǵan» shaǵyn aýdanynan 128 jer telimi paıdalaný merziminiń aıaqtalýyna jáne nysanaly maqsatyna saı der kezinde ıgerilmeýine baılanysty memleket menshigine qaıtarylǵan. Al, budan ózge Jambyl oblysynda aǵymdaǵy jyly kezekte turǵan 1554 azamatqa jer telimi úlestiriledi.

Búgingi tańda ıgerilmegen jerlerdi kezekte turǵan azamattarǵa taratý jumystary jalǵasýda. Sonymen qatar, Taraz qalalyq jer qatynastary bóliminiń tarapynan jeke turǵyn úı qurylysyna jer telimin alýǵa 2005 jyldan beri kezekte turǵan 1000 azamatqa «Nurly jer» turǵyn úı baǵdarlamasynyń bastalýyna baılanysty eskertý hat joldanǵan. Qazirgi kezde atalǵan baǵdarlama arqyly jeke turǵyn úı alýǵa nıet bildirgen 25 azamattyń tizimi «Qazaqstannyń turǵyn úı qurylys jınaq bankine» tólem qabilettiligin baǵalaýdan ótýge joldamalary joldanypty. Nátıjesinde tórt azamattyń ótinishteri maquldanǵan.

Búgingi tańda memleket «Nurly jer» baǵdarlamasy arqyly azamattardy baspanamen, sonymen qatar, úı salýǵa qajetti jerlermen qamtamasyz etýde. Jambyl oblysynda da atalǵan memlekettik baǵdarlama tıisti deńgeıde júzege asyp keledi. Tipti óńirde eskertý hat joldanǵan kezekte turǵan azamattarǵa «Nurly jer» turǵyn úı baǵdarlamasyna qatysýdan bas tartqan jaǵdaıda da «Kóltoǵan» shaǵyn aýdanynan jer telimderi usynylýda.

Dýlat Aıtbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir