Atyraýda 11 kóshe qalpyna keltirilip, keńeıtiledi

Qala jolyndaǵy 31 ýchaskede shuńqyr jóndeý jumystary júredi.

Qalalyq TKSh, jolaýshylar kóligi jáne avtokólik joldary bóliminiń málimeti boıynsha, qazir jalpy uzyndyǵy 27,605 km bolatyn 8 kósheni qalpyna keltirip, keńeıtý úshin JSQ daıyndalyp, memlekettik saraptamadan ótken.
-25 sáýirde kóshelerdegi qurylys-montajdaý jumystarymen aınalysatyn merdiger mekemeni anyqtaýǵa ashyq konkýrs jarııalandy. Qorytyndysy 15 maýsymda belgili bolady,-deıdi Atyraý qalasy ákiminiń orynbasary Shákir Keıkın.
Qala ákimshiligi myna kóshelerdi qalpyna keltirip, keńeıtýdi josparlap otyr–
Ǵumarov kóshesi (0,528 km), Qurmanǵazy (4,05 km), Beıbarys (10,002 km), Ǵabdıev (1,234 km), S.Datov (4,69 km), Amandosov (2,925 km), Ýálıhanov (2,346), Gagarın (1,83).
- Jalpy uzyndyǵy 6,986 km bolatyn úsh kóshe - Azattyq dańǵyly (2,546 km), Áýezov (2,84 km), Mádenov (1,6 km) kóshelerin qalpyna keltirip, keńeıtýge JSQ jasaldy. Mamyr aıynyń sońyna deıin memlekettik saraptamadan ótýi kerek.
Maýsym aıynda qalalyq máslıhat sessııasynda bekitilgennen keıin joǵaryda kórsetilgen kóshelerdegi joldarǵa qurylys-montajdaý jumystaryn júrgizý josparlanyp otyr,-dep naqtylady Shákir Keıkın.
Sonymen qatar, bıyl 13000 m2 qala kóshelerine shuńqyr jóndeý júrgizý josparlanǵan. Qazir merdiger mekemeni anyqtaýǵa baıqaý jarııalandy.
Jyl sońyna deıin shuńqyr jóndeý jumystary myna meken jaılardaǵy 31 kóshede júrgiziledi:
1) Azattyq dańǵyly;
2) Ortalyq kópir;
3) Sátpaev kóshesi, «Tamasha» SÚ mańy;
4) Jety Qazyna yqshamaýdanyndaǵy kópqabatty turǵyn úıler aýmaǵy;
5) Jarbosynov kóshesi;
6) «Rahat» bazary mańyndaǵy kópqabatty turǵyn úıler aýmaǵy:
7) Kansev kóshesi;
8) Smaǵulov kóshesi;
9) Almagýl 1-2 yqshamaýdanyndaǵy kópqabatty turǵyn úıler aýmaǵy;
10) Atyraý yqshamaýdany «Erkemaı» balabaqshasynyń mańy;
11) Balyqshy yqshamaýdany A.Qunanbaev kóshesi;
12) Qojaqaev kóshesindegi 21 turǵyn úı aýmaǵy;
13) Balyqshy yqshamaýdany oblystyq oftalmologııa aýmaǵy;
14) Balyqshy yqshamaýdany «Aısberg» restorany aýmaǵy;
15) Molodejnaıa men Satybaldıev kósheleriniń qıylysy;
16) Leshoz yqshamaýdany Sydyqov kóshesi;
17) Jılgorodok-Áýezov kópiri aýmaǵy;
18) Áýezov kóshesi №61-63 turǵyn úıler aýmaǵy;
19) Qabdolov kóshesi;
20) Vodnıkov-Kókarna-Balyqshy joly qıylysyndaǵy "Qazmunaıgaz" JQS aýmaǵy;
21) Temirjol aýrýhanasy aýmaǵy;
22) Berǵalıev kóshesi;
23) Sátpaev №36 úı aýmaǵy;
24) Mahambet kóshesi №101 úı aýmaǵy;
25) Temirhanov kóshesi (burynǵy qarjy polısııasy ǵımaraty mańy);
26) Avangard-3 yqshamaýdany №39 a-b-v turǵyn úıler aýmaǵy jáne «Tehnodom» aýmaǵy;
27) Atyraý-Dossor-Geolog jolynyń qıylysyndaǵy baǵdarsham aýmaǵy;
28) Geolog, Agroprom kóshesi;
29) Jumysker yqshamaýdany;
30) О́rken 1-2 yqshamaýdany;
31) Dosmuhambetov kóshesi №3a-14a úıler aýmaǵy.