Atyraý oblysy Inder aýdanynda qurǵaq qurylys qospalary qaıta shyǵaryla bastady

Jańartylǵan zaýyt 82 adamdy jumyspen qamtymaq

Alǵashqyda keshendi ıgerý maqsatynda «BIAS TECH» JShS jumys jasady. Zaýyt 120 adamdy jumyspen qamtyp, 125 myń tonna gıps shyǵarǵan. Alaıda, 5 jyl buryn qarjylyq qıyndyqtarǵa baılanysty óndiris toqtaǵan bolatyn.
Kásiporynnyń búgingi tynys-tirshiligimen tanysqan oblys ákiminiń orynbasary Nurlan Taýbaev zaýytty aralap jasalyp jatqan jumysqa oń baǵasyn berdi.
- Búgin bárimiz úshin de úlken qýanysh. Bes jyldan beri toqtap turǵan qurǵaq qurylys qospalar zaýyty iske kiristi. Zaýyt tolyq jańartylyp, eski qural-jabdyqtar aýystyryldy. Qazirgi tańda zaýyt 80-nen astam adamdy jumyspen qamtyp otyr. Zaýyt Inder aýdanynyń ekonomıkasyn damytýǵa óz úlesin qosatynyna, sondaı-aq, mamandardyń kásibıligi men tájirıbesiniń arqasynda ónimniń álemdik talaptarǵa saı bolatynyna senimdimiz, - dedi Nurlan Taýbaev.
О́tken jyldyń qyrkúıeginde «AzııaKredıtBanki» jáne «Fincraft Resources» aksıonerlik qoǵamy jalǵa alý arqyly satyp alý kelisim-shartyn jasaqtady. Soǵan sáıkes, «Fincraft Resources» kompanııasynyń seriktesi «Aqtaý Bıtým» enshilesi jyl basynda zaýytty ońaltýdy qolǵa aldy. Eski tehnıkalardy jańartty. Bilikti mamandardy tartyp, jumysty júıege keltirdi. Sonyń nátıjesinde zaýyttyń 120 myń tonna gıps shyǵaratyn múmkindigi bar.
-О́ndiris ornynan 30 shaqyrym jerde gıps óndiretin jáne usaqtap suryptaıtyn keshen jumys jasaıdy. Bul jerden 0 – 300 fraksııaly gıps tasyn alýǵa bolady. Sonymen qatar, zaýyt jeke temir jol tuıyǵymen qamtamasyz etilgen. Osynyń barlyǵy sapaly ónimdi tutynýshyǵa kedergisiz jetkizýge múmkindik beredi,- dedi «Aqtaý Bıtým» qurǵaq qospa zaýytynyń qarjy jónindegi dırektory Damır Mýsın.
Aıta keteıik, zaýyt "Damý" kásipkerlikti damytý qory" jáne QDB-Lızıng" AQ – nan qarjylaı kómek alǵan.