• USD 378.65
  • EUR 430.07
  • RUB 6
  • CNY 55.1
22 Tamyz, 07:03:30
Senim údesinen shyqqan bank

28 Mamyr, 2019 NEWS

О́zbekstan Ortalyq Banki Halyq banktiń enshiles uıymyna lısenzııa berdi

О́zbekstan Ortalyq Banki Teńge bankke lısenzııa berý týraly sheshim qabyldady

О́zbekstan Ortalyq Banki Teńge bankke lısenzııa berý týraly sheshim qabyldady dep jazady Qamshy.kz aqparat agenttigi Túrkitildes jýrnalıster qoryna silteme jasap. 

"Qazaqstan Halyq Banki" AQ-nyń enshiles uıymy "Tenge Bank" Aksıonerlik kommersııalyq banki (AKB) – О́zbekstan Ortalyq Bankiniń banktik operasııalardy júzege asyrýǵa lısenzııasyn aldy jáne 2019 jylǵy maýsym aıynan bastap klıentterge qyzmet kórsetýdi josparlap otyr.

"Biz barlyq seriktesterimiz ben klıentterimizge enshiles Tenge Bank  banktik lısenzııany alǵandyǵyn jáne maýsym aıynan bastap О́zbekstanda jumys isteýge daıyn ekendigin qýana habarlaımyz. Elimizde júrgizip jatqan ekonomıkalyq reformalar qarjy qyzmetteri naryǵyn belsendi damytýǵa múmkindik beredi. Biz bıznestiń keń áleýetin baıqaı otyryp, О́zbekstanǵa baǵyttalǵan ınvestısııanyń serigibolǵymyz keledi. Biz ózbek naryǵyn qazirgi zamanǵy banktik tehnologııalarmen jáne korporatıvtik, sondaı-aq bólshek klıentterge banktik qyzmetterdiń barlyq spektrin joǵary deńgeıde qamtamasyz etýge daıynbyz. О́ńirdegi eń iri bank retinde biz óz mıssııamyzdy ekonomıkalyq qatynastardy keńeıtýge, kooperasııany arttyrýǵa jáne saýdany qoldaýǵa arnaımyz", – dedi Halyq bank Basqarma Tóraıymy Úmit Shaıahmetova.

Halyq bank óz kezeginde О́zbekstanda usynylǵan alǵashqy qazaqstandyq bank boldy, О́zbekstan – endi Halyq qarjy tobynyń enshiles qurylymy jumys isteıtin altynshy memleket.

Teńge bank korporatıvtik jáne bólshek klıentterdiń barlyq sanattaryna qarjylyq qyzmet kórsete alatyn ámbebap bank retinde damıtyn bolady.

Jeke tulǵalarǵa jınaq jáne kredıt berý baǵdarlamalary, sondaı-aq tólem kartalary usynylady. Birneshe aıdyń ishinde Tenge bank halyqaralyq tólem júıelerimen – Visa jáne Master Card-pen jumysyn bastaýdy josparlap otyr. Sonymen qatar, bank onlaın tólemder men aýdarymdardyń eń baı fýnksıonaly bar Homebank ınternet-platformasynyń mobıldi qosymshasyn iske qosýdy josparlady.Bir mezgilde korporatıvtik klıentter men kásipkerlerdiń barynsha qolaılylyǵy úshin ozyq jáne ınnovasııalyq qyzmetter men servıster jıyntyǵyn usynatyn Onlinebank qosylady.

Teńge bank zańdy tulǵalarǵa, shaǵyn jáne orta bızneske qyzmet kórsetý boıynsha erekshe kóńil bóledi. Úırenshikti esep aıyrysý-kassalyq qyzmet kórsetýden basqa bank depozıttik jáne kredıttik ónimderdiń, sonyń ishinde saýdany qarjylandyrý quraldary – transshekaralyq operasııalardy qamtamasyz etý, eksporttyq jáne ımporttyq mámilelerdi qoldaý úshin akkredıtıvter men kepildikterdi ázirleıdi.

"TMD-daǵy qarjy toptary arasynda geografııalyq ornalasýynyń keń aýqymyn eskere otyryp, dál osy saýdany qarjylandyrýda tek ekijaqty transshekaralyq tólemder ǵana emes, sondaı-aq Halyq tobynyń qyzmeti usynylǵan barlyq elderdiń damı túsýinde úlken áleýet bar dep esepteımiz", – dedi "Teńge bank" AKB Basqarma Tóraǵasy Aslan Talpaqov.

Bank keńsesi men bólimshesi jaqyn arada Tashkent qalasy, Iаshnabad aýdany, Parkentskaıa kóshesi, 66 úı, ındeksi 100007 mekenjaıy boıynsha jumys isteı bastaıdy.

Usynǵan: Marjan Sábet

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir