• USD 468.56

  • EUR 497.56

  • RUB 7.3

  • CNY 67.18

28 Naýryz, 15:15:49
Almaty
+35°

28 Mamyr, 2019 Saıasat

"Bizdiń býyn "Astana kúnin" toılaıtyn bolady"

Bul marazmdy biz bastamadyq. Biraq, sizder bastaǵan marazmdy bizdiń býyn toqtatady.

Facebook áleýmettik jelisiniń belsendi qoldanýshysy, saıasattanýshy Baýyrjan Serikbaev Qazaqstan astanasy Nur-Sultan qalasynyń burynǵy ataýyna qatysty óz oıyn aıtty dep jazady Qamshy.kz aqparat agenttigi.

Saıasattanýshynyń pikirinshe, Qazaqstannyń tuńǵysh prezıdenti Nursultan Nazarbaev kózi tirisinde bir qalanyń atyn ıelený arqyly san jyldar boıy jınaǵan abyroıynan aıyrylyp jatyr.

"Elbasynyń bılikten ketemin dep ketpeı júrgenine eki aıdan asypty. Osy aralyqta biraz nárseni oılanyp, qaıta tarazylap shyǵýǵa múmkindik boldy. Jalpy, Elbasynyń 30 jyldyq eńbeginiń kýlmınasııasy, betke ustar jetistikteriniń biri retinde Astana faktoryn ataýǵa bolýshy edi. О́kinishke qaraı osy jetken jetistiginiń ózin sońǵy qabyldaǵan sheshimderi arqyly qasyqtap jınaǵan abyroıyn shelektep tógýmen keledi. Elbasynyń tarıxı baǵasyn búgingi shaldar emes, kelesi býyn jastar jáne meniń zamandastarym beretin bolamyz. Sondyqtan biz aldaǵy 20-30 jyldan keıin sizder týraly ne aıtatynymyzdy aldyńǵy býyn shal-shaýqandar qazirden-aq shet jaǵasyn tyńdap, oqı berińizder!",– degen ol Nazarbaevtyń tarıhı baǵasyn bıliktegi býyn emes, qazirgi hám alda kele jatqan jas býyn beredi dep esepteıdi.

"Sóz joq, Astananyń aýysýy – jańa qalanyń salynýy durys qadam boldy. Memleketimizdiń ortalyǵyn salyp, jańa lep pen úmittiń sımvolyn jasaǵandaı bolyp edi. О́kinishtisi kózi tirisinde qalaǵa óz atyn ózi berip Astana arqyly san jyldar jınaǵan abyroıynan bir kúnde aıyryldy. Qazir ákimshilik kúshpen qansha maqtasa da, keleshekte "Iá, birinshi prezıdent Astanany saldy. Biraq, qalaǵa óz atyn ózi berý arqyly (Toqaev Elbasynyń aıtqanyn iske asyrýshy tulǵa ǵana) eń aqylsyz sheshimdi jasady. Ýaqyty kelgende xalyqtyń qalaýymen jasalýy kerek nárseni asyǵys iske asyryp, kerisinshe xalyq pen jastardy ózine qarsy qoıyp aldy" degen tarıxı baǵany bizdiń býyn aıtatyn bolamyz. Astanany Nur-Sultan dep sizderdiń býyn aýystyrdy. Bul marazmdy biz bastamadyq. Biraq, sizder bastaǵan marazmdy bizdiń býyn toqtatady. Bolashaqta Nur-Sultan qalasynyń qaıta Astana bolyp aýysqan kúnin "Astana kúni" retinde toılaıtyn bolamyz!",– dedi Baýyrjan Serikbaev.

Usynǵan: Mııat Káshibaı

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir